آنادولو افس آوروپا لیگی شامپیونو اولدو
آنادولو افس، میداندان ۸۶-۸۱ غالب آیریلاراق آوروپا بسکتبالینین کلوبلار سویهسیندهکی ان بؤیوک تشکیلاتیندا ایلک شامپیونلوغونو الده ائتدی
بسکتبال تورک هاوا یوللاری آوروپا لیگی دؤردلو فینالیندا آنادولو افس، ایسپانیا تیمی بارسلونانی ۸۶-۸۱ مغلوب ائدرک ۲۰۲۰-۲۰۲۱ مؤوسومونون شامپیونو اولدو.
آلمانیانین کؤلن شهرینده تشکیل ائدیلهن اویوندا، بارسلونا، ایلک دؤرددهبیری ۲۲-۱۵ اؤنده تاماملایارکهن، ایکینجی پریوددا آنادولو افس، آراداکی فرقی قاپادیب سویونما اوتاغینا ۳۹-۳۶ اوستون گئتدی.
اوچونجو دؤرددهبیرده ده یاخشی اویونونو داوام ائتدیرهن آنادولو افس، فینال پریودونا ۶۵-۵۸ قاباقدا گیردی.
قارشیلیقلی بسکتلرله باشلایان پریوددا رقیبینین سایی آلماسینا ایجازه وئرمهیهن آنادولو افس، میداندان ۸۶-۸۱ غالب آیریلاراق آوروپا بسکتبالینین کلوبلار سویهسیندهکی ان بؤیوک تشکیلاتیندا ایلک شامپیونلوغونو الده ائتدی.
یاریشمانین آردیندان تشکیل ائدیلهن کاپ مراسیمینده، آوروپا لیگی باشقانی جوردی بارتومئو، کاپی، آنادولو افسین کاپیتانی دوغوش بالبایا تقدیم ائتدی. آنادولو افسین اویونچولاری و تکنیک هئیتی شامپیونلوغون آردیندان بؤیوک سئوینج یاشادی.
جمهورباشقانی اردوغان، تورکیه بؤیوک ملت مجلسی باشقانی مصطفی شنتوپ، جمهورباشقانی کؤمکچیسی فواد اوکتای، جمهورباشقانلیغی سؤزچوسو ابراهیم قالین، جمهورباشقانلیغی ایلهتیشیم باشقانی فخرالدین آلتون، بعضی باخانلار، ایدمان فدراسیونلاری و کلوبلار دا یاییملادیقلاری مئساژلا، تورک هاوا یوللاری آوروپا لیگی شامپیونو آنادولو افسی تبریک ائتدی.
ایلگیلیلی خبرلر
آوروپا لیگینده فینالچیلار معینلشدی
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلیب.