سوپر لیگین قهرمانی بئشیکتاش اولدو
بئشیکتاش، ۱۶.جی شامپیونلوغونو مشقچیسی سرگن یالچین ایله آلدی
تورکیه سوپر لیگنین ۴۲.جی هفتهسینده گؤزتپهنی رقیب ساحهده ۲-۱ مغلوب ائدن بئشیکتاش، تاریخینده ۱۶.جی دفعه شامپیون اولدو.
مؤوسومون سون هفتهسینه ۸۱ پوئن ایله گالاتاسارایین اؤنونده گول فرقی ایله لیدئر گیرهن بئشیکتاش، یئنه گول تفاضلو ایله لیگ غالبی اولماغی باجاردی.
گؤزتپه قارشیسیندا آلدیغی اودقو ایله ۸۴ پوئنه چیخان بئشیکتاش، عینی پوئنده اولان گالاتاسارایین اؤنونده یئر آلدی. بئشیکتاش، بو مؤوسوم ۸۹ گول ووروب، ۴۴ گول یئیهرک آرتی ۴۵ فرق یاخالادی. مؤوسومون سون هفتهسینده مالاتیاسپورو ائوینده ۳-۱ مغلوب ائدن گالاتاسارای ایسه توپلام ۸۰ گول ووردو. قاپیسیندا ۳۶ گول گؤرهن گالاتاسارای، آرتی ۴۴ گول فرقینده قالینجا شامپیونلوغو بئشیکتاشا وئردی.
بو آرادا ۱۹۵۹دان اعتباراً اوینانان سوپئر لیگده ایلک شامپیونلوغونو ۱۹۵۹-۱۹۶۰ مؤوسومونده یاشایان بئشیکتاش، ۱۶.جی شامپیونلوغونو مشقچیسی سرگن یالچین ایله آلدی.