اینگیلترهنین شامپیونو - "منچستر سیتی"!
اینگیلتره پریمیر لیگینده 2018-2019 مؤوسومونون غالیبی معینلشیب.
اینگیلتره پریمیر لیگینده 2018-2019 مؤوسومونون غالیبی معینلشیب.
سون توردا سفرده "برایتون"ا 4:1 حسابی ایله غالیب گلن "منچستر سیتی" امتیازلارینین سایینی 98-ا چاتدیراراق، لیدرلیگینی قورویوب و آردیجیل 2-جی، عمومی لیکده ایسه 6-جی دفعه شامپیون اولوب. "شهرلیلر"ین ان یاخین ایزلییجیسی "لیورپول" ایسه ائوده "ولورهمپتون"و 2:0 حسابی ایله مغلوب ائتمهسینه باخمایاراق، لیدردن 1 امتیاز گئری قالیب و گوموش مداللارلا کیفایتلنیب.
مؤوسومو 72 امتیازلا باشا ووران "چلسی" 3-جو، 71 امتیازلی "تاتنهام" ایسه 4-جو اولوب. بئلهلیکله، "منچستر سیتی" و "لیورپول"لا یاناشی، بو ایکی لندن کلوبو دا شامپیونلار لیگینین قروپ مرحلهسینه وثیقه الده ائدیبلر. لندن-ین دیگر تمثیلچیسی "آرسنال" 70 امتیازلا مؤوسومو 5-جی پیللهده بیتیریب و یورولیگین قروپوندا اویناماق حقوقو قازانیب. 66 امتیازی اولان "منچستر یونایتد" ایسه 6-جی یئرله کیفایتلنیب. "قیرمیزی شیطانلار" گلن مؤوسوم آوروپا لیگینده موباریزهیه مقدماتی مرحلهسیندن باشلایاجاق. قئید ائدک کی، "کاردیف سیتی"، "فولام" و "هادرسفیلد" ایسه پریمیر لیقانی ترک ائدیبلر.