رونالدویا ثروت وئریلیر
رونالدو، لیگده اوینایان 10 تیمین بیر ایل عرضینده فوتبالچیلارینا وئردیگی پولون توپلامیندان چوخ قازاناجاق
ایتالیا بیرینجی فوتبال لیگی (سری آ) تیملریندن یوونتوسدا اوینایان کریستیانو رونالدو، ایللیک گلیری، فوتبالچیلارا اؤدنهن توپلام معاشلاردا بو لیگدهکی ۱۰ کلوبو گئریده بوراخدی.
ایسپانیا تمثیلچیسی رئال مادرید ایله قازاندیغی اوغورلارین آردیندان، یای ترانسفر دؤورونده ۱۰۰ میلیون یورو ایله یوونتوسا گئدن رونالدو، یئنی تیمینده هله گل وورماسی دا قازاندیغی پوللا گوندمه اوتوردو.
ایتالییا مطبوعاتیندا یئر آلان خبره گؤره، یوونتوسدا ایللیک ۳۱ میلیون یورو قازانان ۳۳ یاشلی رونالدو، اؤلکهده ان چوخ معاش آلان فوتبالچیلار لیستهسینین ذیروهسیندهدیر.
رونالدو، لیگده اوینایان 10 تیمین بیر ایل عرضینده فوتبالچیلارینا وئردیگی پولون توپلامیندان چوخ قازاناجاق.
پرتغاللی فوتبالچینی ایللیک ۹،۵ میلیون یورولوق قازانجی ایله یونتوسدان میلانا ترانسفر اولان آرژانتینلی گونسالو ایگواین ایزلیرکن، لیورپولدان یوونتوسا گئدن تورک اصیللی آلمان فوتبالچی امره جان دا ۵ میلیون یورولوق گلیری ایله لیستهده یئر آلدی.
مؤوسومه کیهوو، لازیو و پارما اودقولاری ایله باشلایان یوونتوسدا، رونالدو هله گل وورمادی.
ایلگیلیلی خبرلر
آوروپا لیگینده فینالچیلار معینلشیر
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلهجک.
"رئال" - "بایرن" ماتچینین ان یاخشیسی بیلیندی
ایسپانیا نهنگینین هوجومچوسو وینیسیوس جونیور یوفا طرفیندن ماتچین ان یاخشیسی سئچیلیب.