آرنولد "گئری دؤندو"
حرفهای وجود گلیشدیرمه ساحهسینده وئریلهن میستر اولیمپیا اؤدولونو ۷ دفعه قازانمیشدی
تخمیناً ۵۰ سینما فیلمینده اوینایان مشهور هالیوود اویونچوسو و اسکی آمریکانین کالیفورنیا ایالت والیسی آرنولد شوارتزنگر، آچیق اورک عملیاتی کئچیردی.
شوارتزنگرین یاردیمچیسی طرفیندن وئریلن آچیقلامادا، ۷۰ یاشلی هالیوود اولدوزونون عملیاتدان سونرا وضعیتینین یاخشی اولدوغو بیلدیریلدی.
آچیقلامادا، کونژنیتال قلب دفکتی(دوغومسال اورک بوزوقلوغو) ندنی ایله ۱۹۹۷ده یئرلشدیریلن پولمونر قاپاغی(اورکدن آغ جییره گئدن دامارین قاپاغی) دییشدیرمک اوچون گئچیریلن عملیاتین اوغورلو گئچدیگی معلوماتینا یئر وئریلدی.
اوینادیغی فیلملرده تئز تئز قوللاندیغی "آیل بی بک" (گئری قاییداجاغام) افادهسی ایله تانینان شوارتزنگرین، عملیاتین آردیندان خستهخاناداکی ایلک سؤزونون "گئری قاییتدیم" اولدوغو قئید ائدیلدی.
۱۵ یاشیندا وجود گلیشدیرمه ایدمانینا باشلایان آرنولد شوارتزنگر، بو ساحهده آماتورلارا وئریلهن میستر اونیورس اؤدولونو ۲۰ یاشیندا قازاناراق بونو باشاران ان گنج ایدمانچی اولموشدو. مشهور آکتور، حرفهای وجود گلیشدیرمه ساحهسینده وئریلهن میستر اولیمپیا اؤدولونو ده ۷ دفعه قازانمیشدی.
وجوت گلیشدیرمهده ایرلیلهمک اوچون ۲۱ یاشیندا آمریکایا یئرلشن اتریشلی شوارتزنگر، ۲۳ یاشیندا "هرکول نیویورکدا" آدلی فیلمله سینما دونیاسینا آددیم آتدی و بو گونه قدر تخمیناً ۵۰ فیلمده رول آلدی.
ایلگیلیلی خبرلر
آوروپا شامپیوناتی-2024: آلمانیا میللیسی اسکاتلند تیمینه قارشی
A قروپونون ایلک ماتچیندا ائو صاحیبی آلمانیا میللیسی اسکاتلند تیمی ایله قارشیلاشاجاق.