قوزئی کوره مجلیس باشقانی قیش اولمپیاد اویونلارینا قاتیلاجاق کاروانا رهبرلیک ائده جک
کیم یونگ-نامین گؤندریلمهسی، سون ایللرده قوزئی کوره طرفیندن گونئی کورهیه ائدیلن ان یوکسک سویهلی سفر معنا داشیییر
قوزئی کوره مجلیس صدری کیم یونگ-نام، پیونگ چانگ قیش اولمپیاد اویونلارینا قاتیلاجاق کاروانا رهبرلیک ائتمک اوچون گونئی کورهیه گئدهجک.
گونئی کوره بیرلشمه ناظیرلیگیندن وئریلن معلوماتا گؤره، پیونگیانگ رهبرلیگی، اؤلکه خاریجدکی تدبیرلرده تمثیل ائدن قوزئی کوره مجلیس باشقانی کیمی 22 نفرلیک دستهیه باشقانلیق ائتمک اوچون کونئی کورهیه گؤندرجگی معلوماتینی سئول رهبرلیگی ایله پالاشدی.
کیم یونگ-نامین گؤندریلمهسی، سون ایللرده قوزئی کوره طرفیندن گونئی کورهیه ائدیلن ان یوکسک سویهلی سفر معنا داشیییر.
آچیقلامادا آیریجا، قوزئی کوره رهبرلیگینین دونن 140 نفردن عبارت سامزیون صنعت قروپونو دا قایق ایله گونئی کورهیه گؤندرمگی تکلیف ائتدیگی قید ائدیلرکن، اینجهصنعت قروپونون گئدجگی مسیر بارهده قارشی مصلحتلشمهلرین داوام ائتدیگی بیلدیریلدی.
قوزئی کورهدن اؤتن هفته گونئی کورهیه گؤندریلن 8 نفرلیک بیر هیات، 2018 پیونگ چانگ قیش اولمپیاد اویونلاری اوچون یارادیلان تاسیسهلر و یئرلشدیرمه ساحهسینده آراشدیرمالاردا ائتمیشدی.
ایکی اؤلکه نماینده هیاتلری، ژانویهنین 20 سینده اولوسلار آراسی اولمپیاد کومیتهسینین (IOC) حمایهسی آلتیندا راضیلیغا گلمیشدی.
موقاویلهیه گؤره، قوزئی کورهدن ایدمانچیلارین قاتیلماسی و ایکی اؤلکه ایدمانچیلارینین اولمپیاد مراسیمینده عینی بایراق آلتیندا گئتمهسی قرارا آلینمیشدی.
کوره یاریم آداسیندا آمریکا ایله گونئی کورهنین بیرگه نیظامی تعلیملر کئچیرمهسی و پیونگیانگ رهبرلیگینین نوکلئر موشک سیناقلاری ایله یاشانان گرگینلیک، قوزئی کوره لیدری کیم ژونگ یئنی ایل تبریکینده گونئی کورهده کئچیریلهجک قیش اولمپیاد اویونلارینا هیات گؤندریلمهسینی بیلدیرمهسی و بو بارهده سئول رهبرلیگی ایله دانیشیقلارا آچیق اولدوقلارینی ایفاده ائتمهسیله آزالماغا باشلامیشدی.