فنرباخچا دوغوش صربیستان نماینده سینی بویوک فرق ایله مغلوب ائتدی
فنرباخچا دوغوش تورک هاوا یوللاری آوروپا لیگینین 13-جو توروندا صربیستان نمایندهسی قیزیل ییلدیز متس-نی 82-56 حسابلا مغلوب ائتدی.
872252
فنرباخچا دوغوش تورک هاوا یوللاری آوروپا لیگینین 13-جو توروندا صربیستان نمایندهسی قیزیل ییلدیز متس-نی 82-56 حسابلا مغلوب ائتدی.
ساری-گؤیلو تیم بو نتیجه ایله 9-جو غالیبیته ایمضا آتارکن، قیزیل ییلدیز متس 8-جی دفعه مغلوبیت یاشادی.
فنرباخچا دوغوش بسکتبال تیمی آوروپا لیگینین 14-جو توروندا صاباح تل آویو-ده مکابی فوکس ایله اوزه –اوزه گلهجک.
تل آویو-ده منورا میوتاچیم آرنادا اویناناجاق مکابی -فنرباخچا دوغوش موسابیقهسی تورکیه واختی ایله ساعات 22:05-ده باشلایاجاق.
فنرباخچا دوغوش آوروپادا اوینادیغی سون 4 دپلاسمان موسابیقه سینی ده قازاناراق قارشی طرف میدانلاریندا اوغورلو بیر گرافیک اورتایا قویدو.
قئید ائدک کی، دونن یونانیستانین پاناتینایکوس سوپرفوودس تیمینی 89-76 مغلوب ائدن مکابی فوکس، اوینادیغی 13 موسابیقه ده 7 غالیبیته ایمضا آتیب.