"فراری"نین پیلوتو سباستین فتل بحرین گراند پریسی‌نین غالیبی اولدو

فرمولا-1 عذره دونیا شامپیوناتی‌نین اوچونجو یاریشی – بحرین گراند پریسینده "فراری" تیمی‌‌نین پیلوتو سباستین فتل غالیب گلدی.

اوچونجو یاریشدا پیلوت‌لار "ساخیر" چولونده یئرلشن  5412 مترلیک اولوسلار آراسی پیست ینده 57 دؤوره وورودولار.

 سباستین فتل 1 ساعت 33 دقیقه 53،374 ثانیه لیک نتیجه ایله و 25 امتیاز قازاناراق بیرینجی اولدو.لیدئردن 0،06 ثانیه گئری قالان لوئیس همیلتون (مرسدس ) یاریشی 18 امتیاز ایله ایکینجی پیلله‌ده تاماملادی. ایلک اوچلوگو لیدئردن 0،20 ثانیه سونرا فینیش خطینه  چاتان والتری بوتاس (مرسدس ) 15 امتیاز ایله باشا ووردو.

پیلوت‌لارین یاریش جدولینه 68 امتیاز سباستین فتل باشچی‌لیق ائدیر. لوئیس همیلتون 61 امتیازر ایله ایکینجی، والتری بوتاس 38 امتیاز ایله اوچونجو پیلله‌ده قرارلاشدی.  

تیم لری سیرالاماسیندا ایسه "فراری" 102 امتیازلا بیرینجی، "مرسدس" 99 امتیازلا ایکینجی، "رد بول" ایسه 47 امتیازلا اوچونجو پیلله‌ده یئر آلدی.