شامپیونلار لیگینده یاریم فینال ساواشی

صاباح شامپیونلار لیگینده 1/4 فینال مرحله‌سی‌نین جاواب گؤروش‌لری باشلایاجاق.

ایلک اویون گونونده دقت‌لر ایسپانیا و اینگیلتره‌یه یؤنه‌له‌جک.

"رئال" سفرده "بایرن مونیخ " ایله بو دفعه اؤز مئیدانیندا اوز-اوزه گله‌جک. ایلک گوروشده  قئیده آلینان 2:1 حسابلی غالیبیت "کرال کلوبو"نون یاریم فینالا آدلاماق شانسینی آرتیریر. تصادفی دئییل کی، جاواب قارشیلاشماسیندا قئیده آلینا‌جاق 0:1 حسابلی مغلوبیت ده "رئال"ی قانع ائده‌جک. بو معنادا، "بایرن مونیخ" "سانتیاگو برنابو"دا مینیموم 2 گل وورما‌لیدی.

کئچن هفته سونو ایسپانیا شامپیوناتیندا "اسپورتینگ خیخون" اؤنونه ذخیره قوه ایله چیخان "رئال" چتین اولسا دا، غلبه قازانماغی باجاردی. زین الدین زیدان-نین یئتیرمه‌لری گوروشون 90-جی دقیقه‌ده ووردوغو گل ایله 3:2 حساب‌لی غالیبیته سئویندی. "بایرن مونیخ " ایسه بوندس لیگانین  29-جو تورو چرچیوه‌سینده سفرده "بایر لورکوزن" له گل سوز برابره  قالدی .

گونون دیگر اویونوندا "لستر" "آتلتیکو"نو قبول ائده‌جک. بو تیملرین مادرید ده کی ایلک گؤروشونده دیگو سیموننین تیمی 1:0 حساب‌لی غلبه قازانمیشدی. "لستر" وضعیتی اؤز خئیرینه دییشمک اوچون جاواب اویونوندا موطلق گل وورمالی و قاپی‌سی‌نین توخونولمازلیغینی قورویوب ساخلاما‌لیدی. چونکی "آتلتیکو" سفرده 1 گل وورسا، "لستر"ین ایشی داها دا چتین‌لشه‌جک.

شامپیونلار لیگی

1/4 فینال مرحله‌سی، جاواب اویون‌لاری

18 آوریل

"رئال مادرید" (ایسپانیا) - "بایرن مونیخ" (آلمانیا)

ایلک اویون - 2:1

"لستر" (اینگیلتره) - "آتلتیکو مادرید" (ایسپانیا)

ایلک اویون - 0:1