فیفا باشقانی بلاتر استعفا ائدیر
بلاتر، یئنی باشقان گؤستریله‌نه قدر وظیفه‌سینه داوام ائده‌جک
فیفا باشقانی زپ بلاتر، قورومدا باش وئرن یولسوزلوق/فساد اولایینا تپکی‌لرین آرتماسی اوزرینه استعفا قراری آلدی.
17 ایلدیر وظیفه‌ده اولان بلاترین سوء ایستیفاده سوچلاما‌لاریندا بیرباشا آدی گئچمه‌سه ده کؤمکچی‌سی‌نین میلیون‌لارجا دلار روشوت آلدیغی ادعا ائدیلیر.
هئچ بیر سوچلامایی قبول ائتمه‌ین بالاتر، "ایدمانین یاخشی‌لیغی" اوچون استعفا ائدجیینی ایفاده ائتدی.
فیفانین اوست سویه ایدارچی‌لری‌نین گؤز آلتینا آلیندیغی زوریخده تشکیل ائدیلن عملیاتلا، 2018 و 2022 دونیا کاپی چرچیوه‌سینده "قارا پول آغلاندیغی" سببیله گئچن هفته آچیلان سوروشدورمانین کؤلگه‌سینده تشکیل ائدیلن کنگره‌ده، بلاتر، 5.جی دفعه باشقانلیغا سئچیلمیش و بو وضعیت اولوسلارآراسی توپلومداتپکی ایله قارشیلانمیشدی .
فیفا، باشقان سئچیمی اوچون اولاغان اوستو توپلانا‌جاق. بلاتر، یئنی باشقان گؤستریله‌نه قدر وظیفه‌سینه داوام ائده‌جک.
