استادیومدا قهرمانلیق شایعه سی

تراختور- نفت اویونونون اویناندیغی استادیومدا اویون سونراسی دورومون گرگین اولدوغو بیلدیریلیر.

خبرلره گؤره، اویونون سون دقیقه لرینده تراختور تاخیمینین یؤنتیم کادرینا سپاهان-سایپا اویونونون برابره بیتدیگی سؤیله نینجه، تونی اولیویرا قهرمان اولاجاقلاری دوشونجه سی ایله  اویونچولاریندان نتیجه نی قورومالارینی ایسته میش. سپاهان - سایپا اویونونون برابره بیتمه سی حالیندا 3-3 سونوجو دا تراختورون قهرمان اولماسینا یئته جکدی. اویون سونراسی اویونچولار و طرفدارلار قهرمان اولدوقلارینی دوشونرک سئوینج گؤستریلرینه باشلادی. آنجاق بیر آز سونرا بو خبرین دوغرو اولمادیعی آنلاشیلینجا اورتالیق قاریشدی. بعضی سایتلاردا یئر آلان خبرلره گؤره، طرفدارلارین بیر قیسمی امنیت گؤره ولی لری ایله چاتیشدی.یارالی لارین اولدوغو بیلدیریلیر. استادیومدا دوروم گرگین. اؤفکه لی طرفدارلارین اوتوراجاقلاری قیردیغی و استادیومدا یانقین چیخدیغی بیلدیریلیر.