"دونیا کاپی روسیادا اولماسین"

آمریکا، دونیا کاپی اورگانیزاسیونونون روسیا‌دان آلینماسی اوچون دؤوره‌ده.
آرا‌لاریندا هم دموکرات، هم ده جمهوریتچی‌لرین اولدوغو 13 نفرلیک سناتورلار قروپو روسیانین اوکراینا ایله یاشادیغی بحرانی و قیریم‌ین ایشغالینی سبب گؤستره‌رک 2018 دونیا کاپینا ائو صاحبلیگینین روسیا‌دان آلینماسی اوچون یازی‌لی باش ووردو.
ایچلرینده سنانین خاریجی ایلیشکی‌لر کمیته‌سی‌نین عضوو روبرت مندز و خاریجی ایلیشکی‌لر پانلی آوروپا آلت کمیته‌سی باشقانی رون جونسونون دا اولدوغو سناتورلار فیفا باشقانی سپ بلاتره خطاب اولا‌راق قلمه آلدیق‌لاری متنده "روسیانین دونیا کاپینی دوزنلمه‌سینه ایجازه وئرمک، قینانماسی لازیم اولان پوتین رژیمی‌نین پرستیژینی حاق ائتمه‌دیگی بیر شکیلده آرتیرا‌جاق و اولوسلارآراسی توپلومون بؤیوک بیر اکثریتی طرفین‌دن اقتصادی یاپدیریم‌لارا معروض بوراخیلان بیر اؤلکه‌نین مادی باخیم‌دان راحتلاماسینا ایمکان تانییا‌جاق" ایفاده‌لرینه یئر وئریلدی.
2018 دونیا کاپی ائو صاحب‌لیگینی، سس وئرمه‌ده بلژیک‌/‌هلند، ایسپانیا‌/پرتغال و اینگیلتره‌نی گئریده بوراخان روسیا قازانمیشدی.