رئال مادرید یئنی رکوردا دوغرو
رئال مادرید، بارسلونانین رکوردونو قیرابیلیر
دونن گئجه اوینانان ایسپانیا کرال کاپی قارشیلاشماسیندا اوچونجو لیگ تاخیملاریندان کورنلانی 5-0 مغلوب ائدن رئال مادرید، بئلهجه رسمی اویونلاردا اوست اوسته 17.جی اودقوسونا ایمضا آتاراق بارسلونایا عاید اولان 18 اویونلوق ایسپانیا تاخیملاری آراسینداکی اودقو سریسی رکوردونا بیر آددیم داها یاخینلاشدی.
رئال مادرید 16 سپتامبردان بری اوینادیقلاری 10 ایسپانیا لیگی، 5 شامپیونلار لیگی و 2 کرال کاپی اویونو داخیل اولماق اوزره بوتون اویونلاریندان قالیبیتله آیریلدی و بو مدت عرضینده توپلام 64 گل وورارکن یالنیز 9 گل یئددی.
لیگده 33 پوئنله لیدئر اولان رئال مادرید، 6 دسابردا هله ده 20 پوئنله لیگ 8.جیسی اولان سلتا ویگویلا اوینایاجاغی لیگ اویونونو قازانسا رکوردو ائشیدلهیهجک. باشکند تاخیمی، 9 دساکبردا شامپیونلار لیگینده بولقار نمایندهسی لودوگورتس قارشیسیندا قالیب گلمهسی وضعیتینده ایسه رکوردون تک صاحبی اولاجاق.