تورکیهده توریزم -۸
تاریخی توخوسونو هله ده قوروماقدا اولان شهره "دونیا شهری" آدی وئریلدی
سافرانبولو تورکیهنین قوزئی باتیسیندا شیرین بیر ائلچه. بو گونکو پروگرامیمیزا قونو اولماسینین سببی ایسه تورک شهرسل تاریخینین پوزولمامیش بیر نومونهسی اولماسی...
گلهنکسل شهر توخوسو، تاختا ییغما ائولری و آنیدسال قورولوشلاری ایله بوتونو قورونموش بؤلگه اعلان ائدیلمیش نادیر شهرلردن بیری سافرانبولو بوتون بو یؤنلری ایله ۱۹۹۴.جو ایلدهن یونسکونون دونیا مدنی میراثی لیستهسینده یئر آلیر.
قارا دنیز ساحللرینی، باتی و اورتا آنادولویا باغلایان یول اوزرینده یئرلشن تاریخی سافرانبولو شهری، جغرافی مؤوقعیتی سببی ایله چوخ اسکی دؤورلردن بری یاشاییش مرکزی اولموش. ۱۴.جو عصرین اوللریندن بو یانا تورکلرین حاکمیتینده اولان شهر، خصوصاً ۱۸.جی عصرده آسیا و آوروپا آراسیندا تیجارتین اؤنملی دوراغی حالیندا ایمیش. مدنی و اقتصادی باخیمدان بؤیوک گلیشیم یاشامیش. تیجارتین آرتماسی ایله تیکیلن کاروانسارالار، شهری بیر قوناقلاما مرکزی حالینا گتیرمیش.
سافرانبولو، تورک مدنیتینی هم گلهنکلری، هم معمارلیغی ایله عکس ائتدیرهن، تاریخی توخوسونو هله ده قوروماقدا اولان بیر شهر بوتون بو اؤزللیکلرینه گؤره "دونیا شهری" آدی وئریلدی. هر کوچه، هر گوشهسی گئچمیشدن ایزلر داشییان سافرانبولو بو گون سانکی بیر موزه شهر گؤرونتوسونده.
شهرده تاریخی هاراداسا ۶۰۰ ایله چاتان حاماملار و مدرسهلر وار.
گلهنکسل ائولری ایله مشهورلاشان سافرانبولو دونیانین دؤرد بیر یانیندان توریستلری قبول ائدیر. سافرانبولو ائولری خالقین حیات طرزینی، بگهنیسینی، مدنیتینی و معمارلیق باجاریقلارینی عکس ائتدیرهن اولدوقجا دقت چکهن قورولوشلار...
تیکینتیسینده داش، کرپیج، ساخسی و تاختا ایستیفاده ائدیلهن ائولرین هامیسی قونشولارینین گؤروشونه مانع اولمایاجاق شکیلده اینشا ائدیلمیش. بؤلگهنین یاپیسیندا طبیعت، اینسان، ائو، کوچه و بازار دنگهسی گؤزهدیلمیش؛ بللی بیر نظام اوتوردولموش.
ایکی، یا دا اوچ قاتدان عبارت اولان بو ائولرین بؤیوک بیر حیطی وار و تاختا اویماجیلیغینین مؤحتشم نومونهلری تاوانلار دا داخیل هر یئرده گؤرولهبیلیر.
کوچهلر و حیطلر آرناووت قالدیریمی دئییلن کیچیک داشلارلا اؤرتولو. بو، هم یاغیش سولارینین آسانلیقلا تخلیه اولماسینی، هم ده آغاجلارین و بیتکیلرین کؤکلرینین راحت سو آلماسینی تامین ائدیر.
کارابوک ویلایتی سینیرلاری ایچینده اولان، گلهنکسل توخوسو عصرلردیر دییشمهیهن سافرانبولویا گئتسهنیز؛ تاریخی خان(قوناق ائوی) و حاماملاری، شهر تاریخی موزهسینی، تیجارتین مرکزی بازاری، موزه قوناقلاری(موزهیه چئوریلمیش گؤستریشلی ائولر) گؤرمهدن، گئچمیش زامانلارا آپاران داش دؤشهمهلی، کوچهلرده یئریمهدن، حوووضلو بیر قوناقدا تورک قهوهسی ایچمهدن دؤنمهیین.
آیریجا، موزه کند دئییلهبیلهجک اؤزللیکدهکی یؤروک کؤی، اینجهقایا سو کمری، کریستال تراس، توکاتلی و دوزجه کانیونلاری(درین درهلری)؛ یاخین چئورهده گؤرهبیلهجگینیز دیگر یئرلر. مشهور سافرانبولو لوقوملاری، قویو کبابی، پاخلاوا ایسه دادابیلهجگینیز فرقلی لذتلر...