تورکیه ده توریزم-۴
نمرود داغی
سئوگیلی اوخویوجولار! یئر اوزونده گونشین دوغماسی ان گؤزل هارادان ایزلنیر؟ بو سوالا چوخ جاواب وئرمک اولار. او جاوابلاردان بیری ده تورکیهنین گونئی دوغوسونداکی نمرود داغیدیر. ۲۱۵۰ متر هوندورلویوندهکی نمرود داغی، گونشین دوغماسی زامانی ایزلهینلره مؤحتشم بیر گؤرسل شؤلن سونور.
نمرود داغینین تک اؤزللیگی بو دئییل البته، ذیروهده، کوماگنه کراللیغی دؤوروندن قالما گؤرکملی هیکللر قارشیلاییر سیزی و گؤرهنلری، بو داغ باشیندا نئجه دۆزلتدیکلری و یا نئجه بورا گتیریلدیکلری قونوسوندا حیرته سالیر.
...
نمرود داغینین تپهسینده، تومولوس و بو تومولوسون دوغو و باتی یانلاریندا اولوشدورولموش تراسلار اوزرینده بؤیوک هیکللر ایله چئشیدلی قاباردمالاردان اولوشان اثرلر وار. اوزون چالیشمالار نتیجهسینده، گرئکجه(آنتیک یونان دیلی) کیتابهنین چؤزولمهسی ایله بو اثرلرین کوماگئنه مدنیتینه عاید اولدوغو و کرال ۱.جی آنتیوکوس طرفیندن تیکدیریلدیگی اورتایا چیخاریلمیش.
میلاددان اؤنجه ۱۰۹ ایلینده مستقیل بیر کراللیق اولاراق آنادولونون گونئی دوغوسوندا قورولان کوماگئنه کراللیغی، آیری اینانج و مدنیتلره صاحب توپلولوقلاری بیر آرایا گتیرمیش. کراللاری، تانریلارلا اولان باغینی گوجلندیرهجگی و بئلهلیکله، میلتینی باریش ایچینده یاشاداجاغی اینانجی، اؤلکهسینین مختلیف یئرلرینه تاپیناقلار تیکدیرمیش. نمرود داغینداکی اثرلر ده اونلاردان بیری. کرال I.جی آنتیوکوسون تانریلارا و آتالارینا مینتدارلیغینی گؤسترمک اوچون تیکدیردیگی مزاری، آنیدسال هیکللری و مترلرجه اوزونلوقداکی کیتابهلری هلنیستیک دؤورون ان گؤرکملی قالیقلاریندان.
...
یونسکو دونیا مدنیت میراثی لیستهسینده یئر آلان نمرود داغینا آدییامانین کاهتا ائلچهسی اوزریندن گئتمک مومکون.
بؤلگهیه گئتدیگینیزده گؤرهبیلهجک باشقا بیر چوخ تاریخی اثر ده مؤوجود. قاراقوش تومولوسونو، یئنیقالانی، جندره کؤرپوسونو، آرسامئیا تاریخی یئرینی گؤرمهدن قاییتماماغینیزی توصیه ائدیریک.
کاهتادا سد گؤلو ساحلینده تزه گؤل بالیغی یئمهیینیز، یئرلی یئمکلری دادمانیز، یؤرهده توخونان مؤحتشم ناخیشلی کیلیملری گؤرمهنیز، دیگر اؤنریلریمیز.
نمرود داغی بوتون سری/گیزمی ایله سیزی گؤزلهییر!