ایراندان قاییدان آخینجی هاوادا آی اولدوز چکدی
فلای‌رادار۲۴ اویقولاماسیندا، آخینچی ایهانین ایرانداکی وظیفه‌سینی باشارییلا تاماملاییب یوردا دؤنمه‌سینین آردیندان، وانداکی یوواسینا ائنیشی اؤنجه‌سینده گؤی اۆزونده آی اولدوز چکدیگی گؤرولدو
ایران جمهورباشقانی ابراهیم رئیسی و یانینداکیلاری داشییان هلیکوپترین داغینتیسینین یئرینی معین ائد‌ن آخینچی اینسانسیز هاوا آراجی (ایها)، تورکیه‌ده‌کی مرکزینه ائنیشی اؤنجه‌سی هاوادا آی اولدوز چکدی.
فلای‌رادار۲۴ اویقولاماسیندا، آخینچی ایهانین ایرانداکی وظیفه‌سینی باشارییلا تاماملاییب یوردا دؤنمه‌سینین آردیندان، وانداکی یوواسینا ائنیشی اؤنجه‌سینده گؤی اۆزونده آی اولدوز چکدیگی گؤرولدو.
تورکیه‌نین، ایران جمهورباشقانی رئیسی و بعضی مقاملاری داشییان هلیکوپترین دوۆشمه‌سینین آردیندان آختارما فعالیتلرینده وزظیفه‌لندیردیگی آخینچی ایها، هلیکوپترین داغینتیسی اولابیله‌جگی دگرله‌ندیریله‌ن ایستیلیک قایناغینی معین ائد‌رک مختصاتینی ایران مقاملاری ایله پایلاشمیشدی.
آخینچی ایهانین یئر تعیینی ایشینین آردیندان، ایران قیزیل آیی، جمهورباشقانی رئیسییه عاید هلیکوپتر داغینتیسینین یئرینی تاپدیقلارینی بیلدیرمیشدی.
ایران دؤولت تلویزیونو، هلیکوپترین دۆشدوگو یئرده حیات علامتی اولمادیغینی بیلدیرمیشدی.
جمهورباشقانی رئیسی، دونن هلیکوپترله، ایران-آذربایجان سرحدینده بیر سدین آچیلیش مراسیمینده ایشتیراک ائتمیشدی.
ایران دؤولت تلویزیونو، رئیسینین هلیکوپترونین بؤلگه‌دن قاییدارکن سرت ائنیش ائتمه‌سی صورتی ایله قضا میدانا گلدیگینی؛ خاریجی ایشلر باخانی حسین امیرعبداللهیان، دوغو آذربایجان ایالت والیسی مالک رحمتی و تبریز جمعه امامی آل هاشیمین ده هلیکوپتر‌ده اولدوغونو بیلدیرمیشدی.
آختارما قورتارما قروپلاری، منفی هاوا شرطلری سببی ایله چالیشمالارین چتینلیکله سۆردوگونو بیلدیرمیش، ایران، تورکیه‌دن هاوادان آختارما چالیشماسی ائتمک اوچون اینسانسیز هاوا آراجی (ایها) طلب ائتمیشدی.
آخینچی ایهانین اوچوشو باشیندان اعتباراً دونیادا بؤیوک ماراق ایله تعقیب ائدیلمیشدی.
فلای‌رادار۲۴ اویقولاماسینا گؤره ۲۰۰ مینی آشقین اینسان آخینچی ایهانین ایراندا گؤی اۆزونده‌کی حرکتلرینی ایزله‌میشدی.
ایران دؤولت تلویزیونو، ایران جمهورباشقانی ابراهیم رئیسی، خاریجی ایشلر باخانی حسین امیرعبداللهیان و یانینداکیلارین، هلیکوپتر قضاسیندا حیاتینی ایتیردیگینی بیلدیرمیشدی.
ایلگیلی‌لی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماس‌لارینی داوام ائتدیریر.
