هاکان فیدان هلنده سفر ائدیر

خاریجی ایشلر ناظیری هاکان فیدان 19 آوریلده هلنده صفر ائده‌جک.

خاریجی ایشلر ناظیرلیگیندن وئریلن معلوماتا گؤره، ناظیر فیدان هلندلی همکاری هانکه بروینس سلات‌ ایله گؤروشه‌جک.

گؤروش زامانی تورکیه‌نین اوروپا بیرلیگینه تام عضولوک پروسه‌سی، گؤمروک ایتیفاقینین یئنیلنمه‌سی و تورکیه وطنداشلاری اوچون ویزا آزادلاشماسینین تامین ائدیلمه‌سی مسئله‌لری موذاکیره اولوناجاق.

ناظیر فیدان هلندده‌کی تورک توپلومونون وضعیتی و بو اؤلکه‌ده کئچمیشده قرآن کریمه قارشی ائدیلن هوجوملاری دا گوندمه گتیرجک.

گؤروشده ترورلا موباریزه و تورکیه‌نین بونونلا باغلی گؤزلنتیلری ‌ده هلند طرفینه چاتدیریلاجاق.

ایسرائیلین فیلیسطینه هوجوملاری، باشدا اوکراین و قبرس اولماقلا یاخین بؤلگه‌ده‌کی پروبلملر‌ده گئنیش شکیلده توپلانتینین گوندمینده اولاجاق.