تورک عسگر‌لری کوزوو-صربیستان سرحد بؤلگه‌‌سینده

ناتو‌نون کوزوو صلح قووه‌لرینده خیدمت ائدن تورک عسگر‌لری صربیستان ا‌یله سرحد بؤلگه‌‌سینده تهلوکه‌سیز‌لیگی تامین ائتمک اوچون پاترول فعالیتینی دوام ائتدیریر.

کوزوو صلح قووه‌لرینین سوسیال مئدیا حسابیندا تورک عسگر‌لرینین پاترول فعالییتینین فوتو‌لاری پایلاشیلیب.

یازیدا بوتون یئرلی اجماع‌لارین حرکت آزاد‌لیغینین و تهلوکه‌سیز و امنیتلی محیطین تامین ائدیلمه‌سی اوچون بؤلگه‌ده منتظم پاترول‌لارین داوام ائتدیگی، کوزوو صلح قوه‌‌لری کاماندیری ژنرال اؤزکان اولوتاشین سرحد بؤلگه‌‌سینده وظیفه‌ یئرینه یئتیرن تورک عسگر‌لری‌ ایله ده گؤروشدویو بیلدیریلیب.

می-جون آیلاریندا کوزوو‌نون شمالیندا باش وئرن گرگین‌لیک زامانی اون‌لارلا کوزوو صلح قوه‌‌لری عسگری یارالانیب. سپتامبرین 24-ده بؤلگه‌نین بانژسکا کندینده گرگین‌لیک آرتیب، سلاحلی صرب گروهون کوزوو پولیسینه هوجومو ا‌یله باشلایان قارشیدورما‌لاردا 1 پولیس و 3 هوجومچو اؤلوب.

کوزوو صلح قوه‌‌لری هوجوم‌دان سونرا بؤلگه‌‌ده‌کی وار‌لیغینی و پاترول فعالیتینی آرتیریب.

بیرلشمیش میللتلر تشکیلاتی تهلوکه‌سیز‌لیک شوراسینین تهلوکه‌سیز‌لیک و ثابیتلیگین تامین ائدیلمه‌سی ا‌یله باغلی قرارینا اویغون اولاراق، 12 ژوئن 1999-جو ایلده کوزوودا خیدمته باشلایان کوزوو صلح قووه‌لرینده 21 ناتو عضوو و 6 غیری-دؤولت اولماقلا 27 اؤلکه‌دن 4500-دن چوخ بین‌المللی حربی قوللوقچو وار.

تورک عسگر‌لری 1999-جو ایلدن کوزوودا، کوزوو صلح قوه‌‌لری ترکیبینده خیدمت ائدیر. تورکیه‌ کوزوو صلح قوه‌‌لری قوماندانلیغینی ایلک دفعه‌ اکتبرین 10-دا 1 ایل موددتینه تحویل آلدی.