تورکیهدن شفا خستهخاناسی آچیقلاماسی
"ایسرائیل مقاملارینین سون ۶ آیدا تؤرهتدیگی سوچلار، اینسانلیق تاریخی بویو یاشانمیش ان بؤیوک باربارلیقلار آراسیندا یئرینی آلمیشدیر"
تورکیه، غزهدهکی شفا خستهخاناسیندان گلن گؤرونتولرین، ایسرائیلین فیلیسطین خالقینی قصدلی و سیستماتیک بیر شکیلده یوخ ائتمهیی هدفلهدیگینین دلیلی اولدوغونو بیلدیردی.
خاریجی ایشلر باخانلیغیندان وئریلن آچیقلامادا، "ایسرائیل مقاملارینین سون ۶ آیدا تؤرهتدیگی سوچلار، اینسانلیق تاریخی بویو یاشانمیش ان بؤیوک باربارلیقلار آراسیندا یئرینی آلمیشدیر" ایفادهسینه یئر وئریلهرک، بو سوچلاری ایشلهیهن هر کسین محاکیمه اولوناجاغی و سوچلارین ایشلهنمهسینه گؤز یومانلارین آدلارینین تاریخه بیر قارا لکه اولاراق گئچهجگی ایفاده ائدیلدی.
"غزهدهکی شفا خستهخاناسیندان گلن گؤرونتولر، ایسرائیلین فیلیسطین خالقینی قصدلی و سیستماتیک بیر شکیلده یوخ ائتمهیی هدفلهدیگینین دلیلیدیر" ایفادهسینین یئر آلدیغی آچیقلامادا، اینسانلیق ویجدانی ایله حقوقو یوخ سایان و کۆرهسل باریش و ثابتلیگه ضرر وئرهن ایسرائیلی دوردورمانین اولوسلارآراسی توپلومون وظیفهسی اولدوغو قید ائدیلدی.
آچیقلامادا، "بیرلشمیش میللتلر گوونلیک شوراسینین قبول ائتدیگی سون آتیشکس قرارینین و اولوسلارآراسی عدالت دیوانینین آچیقلادیغی علاوه تدبیرلرین تطبیق اولونماسینی تامین ائدرک لازیم اولان تدبیرلرین واخت ایتیرمهدن آلینماسی لازیمدیر" ایفادهسینه یئر وئریلدی.
ایلگیلیلی خبرلر
8-جی تورکیه-آلمانیا اقتصادیات گونو کئچیریلهجک
میین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریلهجک.