میللی ساوونما ناظیرلیگی ترورلا موباریزه ایله باغلی معلومات وئریب

سون بیر هفته عرضینده سرحد اؤته‌سی عملییاتلاردا 60 ترورچو ضررسیزلشدیریلیب.

میللی ساوونما ناظیرلیگی ترورلا موباریزه ایله باغلی معلومات وئریب.

بونا گؤره عراق وه سوریه‌نین قوزئیینده حیاتا کئچیریلن عملییاتلاردا سون بیر هفته‌ده 60 ترورچو ضررسیزلشدیریلیب.

بئله‌لیکله، ۱ ژانویه‌دن اعتیبارن عراقین قوزئیینده 184، سوریه‌نین قوزئیینده ایسه 274 نفر، ضررسیزلشدیریلن ترورچولارین سایی 458-ا چاتیب.

عراقین قوزئیینده 2022 ایلین 20 نووامبر تاریخینده باشلایان "پنجه-کیلید" عملییاتیندا ایندییه‌دک 824 ترورچو ضررسیزلشدیریلیب.

سوریه‌ده ان قیسا زاماندا ثابیتلیگین یارادیلماسی، سوریه‌لیلرین تهلوکه‌سیز بؤلگه‌یه قایتاریلماسی و نورمالاشمانین تامین ائدیلمه‌سی اوچون چالیشمالار داوام ائدیر.

سون بیر هفته‌ده سرحدی قانونسوز کئچمه‌یه چالیشان 201 نفر توتولوب.

بئله‌لیکله، ۱ ژانویه‌دن اعتیبارن سرحدی قانونسوز کئچمه‌یه چالیشانلارین سایی آرتاراق 1347 نفره چاتیب.