آمریکانین آنکارا ائلچیسیندن تورکیه یازیسی
دزرت نیوزدا یایینلانان "تۆرکیه ایله گوجلو ایلیشکی آمریکانین چیخارینادیر" باشلیقلی یازیسیندا جف فلک، تۆرکیه ایله اؤلکه‌سی آراسینداکی ایلیشکیلره دایر اؤنملی دگرلندیرمه‌لر وئردی
آمریکا بیرلشمیش دؤولتلرینین آنکارا ائلچیسی جف فلیک، تۆرکیه‌نین وازگئچیلمز بیر متفیق اولدوغونو ایفاده ائد‌رک، یاشانانلارین، آنکارانین اؤنمینی دوغرولادیغینی ایفاده ائتدی.
دزرت نیوزدا یایینلانان "تۆرکیه ایله گوجلو ایلیشکی آمریکانین چیخارینادیر" باشلیقلی یازیسیندا فلیک، تۆرکیه ایله اؤلکه‌سی آراسینداکی ایلیشکیلره دایر اؤنملی دگرللل‌ندیرمه‌لر وئردی.
آسیا و آوروپانی بیرلشدیره‌ن تۆرکیه و ایستانبولون جغرافی قونوملانیشینین فلسفی اولاراق دوغو-قباتی آیریمینا دا استیناد وئردیگینی یازان فلیک، "بنزر شکیلده ساواش قوزئیده اوکراینانی، گونئیده غزه‌نی قووورارکه‌ن، تۆرکیه یئنه تام اورتادا یئر توتور" ایفاده‌سینی ایشلتدی.
ائلچی فلیک، آمریکا کونگره‌‌سینین تۆرکیه‌یه اف-۱۶ اوچاغی ساتیشینا تصدیقینین طرفلر باخیمیندان چوخ اؤنملی و معنالی اولدوغونو بیلدیردی.
ناتونون ایکینجی بؤیوک اوردوسونا صاحب تۆرکیه‌نین اف-۱۶ دونانماسینین، هؤرگوتون گوجو باخیمیندان حساس اؤنم داشیدیغینا و گله‌جکده متفیقلر آراسیندا بیرلیکده چالیشابیلیرلیگی تضمین ائتدیگینه توخونان فلیک، ایکیلی ایلیشکیلرین بوندان باشقا اولدوغونو ایفاده ائتدی.
روسیا ایله اوکراینا آراسیندا داوام ائد‌ن ساواشا توخونان فلیک، ساواشین کۆره‌سل غذا گۆونلیگینی تهلوکه‌یه آتماسی اۆزرینه تۆرک دیپلوماتلارین، تخمیناً ۳۳ میلیون تون تاخیلین ۴۰دان چوخ اؤلکه‌یه گۆونلی گئچیشینی تعامین ائد‌ن قاراد‌نیز تاخیل گیریشیمینی موذاکیره ائتدیگینه، قاراد‌نیزده‌کی گوجلردن بیری اولان تۆرکیه‌نین، تاخیل و دیگر تمل ماللارین داشینماسی قونوسوندا مینلرین تأثیرینی ان آزا ائندیردیگینه ایشاره ائتدی.
ائلچی فلیک، تۆرکیه‌نین، دونیانین بیر چوخ یئرینده نفوذونو، تاریخی باغلارینی و اقتصادی گوجونو قوللانما‌سینی اومود ائتدیکلرینی یازاراق، آنکارانین "رقیبلریمیزله بیزیم ائده‌بیلمه‌یه‌جگیمیز شکیللرده و یئرلرده دیالوگ قورما باجاریغیندا بنزرسیز" اولدوغونو وورغولادی.
تۆرکیه‌نین غزه‌ده‌کی ایختیلافین حلینده رول اوینایابیله‌جک قونومدا اولدوغونو ایفاده ائد‌ن فلیک، آنکارانین دا واشینگتن کیمی، فیلیسطین دؤولتینین قورولماسینین قالیجی باریش اوچون ان یاخشی یول اولدوغونا ایناندیغینی سؤیله‌دی.
آمریکالی ائلچی آیریجا، "تۆرکیه، صحراآلتی آفریقا و اورتا آسیادا چینه آلتئرناتیو اولدوغونو ثبوت ائتدی" ایفاده‌لرینی ایشلتدی.
سپتامبر ۲۰۲۱ده "تۆرکیه‌نین وازگئچیلمز بیر متفیق اولدوغونو" سؤیله‌دیگینی خاطیرلادان فلیک، ایندییه قدر یاشانانلارین آنکارانین اؤنمینی دوغرولادیغینا توخوندو.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
