اردوغان: بیزیم قدر گوجلو چوخ آز اؤلکه و توپلوم واردیر
"میللتلری میللت ائد‌ن اؤزللیکلریندن بیری ده سئوینجلری پایلاشاراق چوخالتدیقلاری کیمی چتینلیکلر قارشیسیندا تک اۆرک اولوب آجیلاری پایلاشاراق دؤزولور ائتمه‌لریدیر"
جمهورباشقانی رجب طیب اردوغان، ۶ فوریه ۲۰۲۳ده یاشانان عصرین فاجعه‌سینین آلتیندان عصرین دایانیشماسی ایله قالخماغی باجاردیقلارینی سؤیله‌دی.
جمهورباشقانی اردوغان، قهرمان‌ماراش‌دا زلزله ائولری پۆشک آتما و آچار تحویلی مراسیمینده دانیشدی.
اردوغان، قهرمان‌ماراش مرکزلی ۶ فوریه زلزله‌لرینین، اینسانلیق تاریخینین ان سارسیدیجی فاجعه‌لریندن بیری اولاراق ثبت ائدیلدیگینی وورغولادی.
"میللتلری میللت ائد‌ن اؤزللیکلریندن بیری ده سئوینجلری پایلاشاراق چوخالتدیقلاری کیمی چتینلیکلر قارشیسیندا تک اۆرک اولوب آجیلاری پایلاشاراق دؤزولور ائتمه‌لریدیر" دئیه‌ن اردوغان،
"حمد اولسون میللتیمیز، ۶ فوریه زلز‌له‌لرینده بو امتحانی باشارییلا وئرمیشدیر. عصرین فاجعه‌سینین آلتیندان عصرین دایانیشماسی ایله قالخماغی باجاردیق. تخمیناً ۱۴ میلیون اینسانا تأثیر ائد‌ن، ۱۱ شهریمیزین ۱۲۴ ائلچه‌سینده‌کی ۷ مین محله و کندینده آغیر ییخیما یول آچان بئله بیر فاجعه قارشیسیندا بیزیم قدر گوجلو دورابیله‌جک چوخ آز اؤلکه و توپلوم واردیر" ایفاده‌لرینی ایشلتدی.
دونیانین ان گلیشمیش اؤلکه‌لرینین بئله بنزر فاجعه‌لر قارشیسیندا ایللرجه چاره‌سیز قالدیغینی وورغولایان اردوغان،
"بیز زلز‌له‌نین بیرینجی ایل دؤنومونده ییخیتیلاری قالدیرمیش، شهرلرین یئنیدن قورولماسیندا اؤنملی مسافه قطع ائدیلمیش، اینسانلاری حیاتا یئنیدن ساریلمیش بیر تابلویا چاتدیق" دئدی.
زلزله بؤلگه‌لرینده تیکیمی بیته‌ن ائولرین پۆشک آتما مراسیمی و آچار تحویلینین سۆردوگونو ایفاده ائد‌ن اردوغان،
"آماجیمیز ایل سونونا قدر ۲۰۰ مین ائوی و کند ائوینی حاق صاحبلرینه تحویل وئرمکدیر. آردیندان بو سایینی سرعتله ۳۹۰ مینه تاماملایاجاغیق" شکلینده دانیشدی.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
