تۆرکیه‌دن بیرلشمیش میللتلره پ‌کاکا تپکیسی
"ترور هؤرگوتونو گۆجله‌ندیرمه‌یه داوام ائتمه‌نین داها چوخ استقرار‌سیزلیق توخوملاری اکمکدن باشقا بیر مقصده خیدمت ائتمه‌دیگینی تکرار وورغولاماق ایسته‌ییرم"
تۆرکیه‌نین بیرلشمیش میللتلر دائمی نماینده‌سی ائلچی سدات اؤنال، ترور هؤرگوتو پ‌کاکا/ی‌پ‌گ‌نین سوریه‌ده آیریلیقچی گوند‌مینی داوام ائتدیردیگینه دقت چکدی...
ائلچی سدات اؤنال، بیرلشمیش میللتلر گۆونلیک شوراسینین سوریه ایوتوروموندا دانیشدی.
اؤنال، پ‌کاکا/ی‌پ‌گ ترور هؤرگوتونون، سوریه‌ده آیریلیقچی گۆند‌مینی سۆردورمه‌یه داوام ائتدیگینه ایشاره ائتدی، یئرلی خالقا باسقی تطبیقی، زورلا اوشاقلاری سلاح آلتینا آلماغی و سیویل آلت یاپیلاردان سوء ایستیفاده ائتمه‌یی داوام ائتدیردیگینی بیلدیردی...
ترور هؤرگوتونه وئریله‌ن دسته‌یه تپکی وئره‌ن اؤنال،
"ترور هؤرگوتونو گۆجله‌ندیرمه‌یه داوام ائتمه‌نین داها چوخ استقرار‌سیزلیق توخوملاری اکمکدن باشقا بیر مقصده خیدمت ائتمه‌دیگینی تکرار وورغولاماق ایسته‌ییرم. بو سوچ هؤرگوتونون حیله‌لی پلانلارینی گئرچکلشدیرمه‌سینه کسینلیکله ایجازه وئرمه‌یه‌جییک" دئدی.
ترورلا موباریزه وورغوسو ائد‌ن ائلچی سدات اؤنال،
"تۆرکیه‌نین ترورلا موباریزه عملیاتلاری، بو هؤرگوتون ترور ائیلملرینه قارشی تمل مشروع مدافعه حاقی چرچیوه‌سینده ایجرا ائدیلمکده‌دیر" آچیقلاماسینی وئردی.
ائلچی سدات اؤنال، سوریه‌ده‌کی اینسانی وضعیته ده توخوندو و سرحد اؤته‌سی اینسانی کؤمکلرین کسینتیسیز سۆرمه‌سینین اؤنمینی وورغولادی.
اؤنال، تۆرکیه‌نین، سوریه خالقینی و سوریه ایختیلافینا سۆردوروله‌بیلیر حل یولو تاپیلماسینا دایر بۆتون گیریشیملری دستکله‌مه‌یه داوام ائدجگینی وورغولادی.
