اردوغان قطرده

جمهورباشقانی رجب طیب اردوغان، قطر امیری شیخ تمیم بن حمد آل ثانینین دعوتینه اجابتله، تورکیه-قطر یوکسک استراتژیک کمیته‌سی ۹.جو ییغینجاغینا قاتیلماق اوۆزره دونن بو اؤلکه‌نین باشکندی دوحه‌یه گئتمیشدی.

رسمی قارشیلاما مراسیمینین آردیندان، جمهورباشقانی اردوغان و قطر امیری آل ثانی، باش باشا گئرچکلشدیردیکلری گؤروشمه‌ده، ایسرائیلین غزه قیرغینینداکی سون وضعیت، آتیش‌کس و قالیجی باریش چابالاری ایله غزه‌یه اینسانی کؤمکلر اله آلیندی.

جمهورباشقانی اردوغان گؤروشمه‌ده، ایسرائیلین ایشله‌دیگی ساواش سوچلارینین حسابینی موطلق وئرمه‌سی لازیم اولدوغونو، بونون اوچون حقوقی چابالارین یانیندا اولوسلارآراسی دستگین ده آرتیریلماسینین اؤنملی اولدوغونو ایفاده ائتدی.

ایکی لیدئر داها سونرا، ۹.جو تورکیه-قطر یوکسک استراتژیک کمیته ییغینجاغینا قاتیلدی. ییغینجاغین آردیندان ایکی اؤلکه آراسیندا اورتاق بیلدیری و ۱۲ راآنلاشما ایمضالاندی.

اردوغان داها سونرا، آل ثانی طرفیندن شرفینه وئریله‌ن رسمی یئمه‌یه قاتیلدی.

جمهورباشقانی اردوغان، بو گون ده، قطر امیری آل ثانینین دؤنم باشقانی اولدوغو کؤرفز امکداشلیق شوراسی ۴۴.جو ذیروه‌سینه قاتیلاجاق.