جمهوریت بایرامی قوتلامالاری داوام ائدیر

بو گون ۲۹ اکتبر جمهوریت بایرامیدیر.
تورکیه جمهوریتینین قورولوشونون ۱۰۰.جو ایل دؤنومو اؤلکه‌ده اؤزل فعالیتلرله قوتلانیر.
۲۹ اکتبر جمهوریت بایرامی قوتلامالارینین ایکی اؤنملی مرکزی، باشکند آنکارا ایله ایستانبول اولاجاق.
ایلک اولاراق جمهورباشقانی رجب طیب اردوغان، دؤولت ارکانی ایله تورکیه جمهوریتینین قوروجوسو اولو اؤندر مصطفی کمال آتاتورکون مزارینی زیارت ائتدی.
جمهورباشقانی اردوغانین اوزرینده آی اولدوز اولان چلنگی آتاتورکون آنید مزارینا بوراخماسینین آردیندان، سایغی دوروشو ائدیلدی و ایستیقلال مارشی اوخوندو.
داها سونرا اردوغان و یانینداکیلار، میثاق میللی بورجونا گئچدی. جمهورباشقانی اردوغان، بورادا آنی قبیر اؤزل دفترینه،
"تورکیه‌نی تاریخینین ان بؤیوک یاتیریم حمله‌لری ایله بولوشدورموش بیر یؤنه‌تیم اولاراق، اتفاق اورتاقلاریمیز و میللتیمیزله بیرلیکده جمهوریتمیزین ایکینجی عصرینی 'تورکیه عصری' ایله اوجالتماقدا قرارلیییق" ایفاده‌لرینی یازدی.
آردیندان آنیدقبیر، وطنداشلارین زیارتینه آچیلدی.
جمهورباشقانی اردوغان، آنیدقبیر‌ده‌کی مراسیمین آردیندان جمهورباشقانلیغی مجتمعینده تبریکلری قبول ائتدی.
جمهوریتنین اعلان ائدیلدیگی ۱.جی مجلیسده ده مراسیم تشکیل ائدیله‌جک. بورادا تورکیه بؤیوک میللت مجلیسی باشقانی نعمان قورتولموش، دانیشاجاق.
تورکیه بؤیوک میللت مجلیسی قارشیسیندان اولوس سمتینه دوغرو، "جمهوریتمیزین ۱۰۰.جو ایلی" گئچیدی گئرچکلشدیریله‌جک. سولوتورک آنیدقبیر اوزرینده گؤستری اوچوشو ائد‌جک.
تورکیه ساعاتییلا ۱۷.۰۰ده ده ایستانبول بوغازیندا دونانما تاریخینده‌کی ان بؤیوک گئچید ائدیله‌جک. گئچیدده باشدا ت‌ج‌گ آنادولو اولماق اوزره ۱۰۰ گمی ایشتیراک ائد‌جک.
گمیلره تورک اولدوزلاری و سولوتورک داخیل ۲۰ محاریب اوچاق دا هاوادان ائشلیک ائد‌جک.
گئچیده قاتیلاجاق جمهورباشقانی اردوغانین، تورکیه ساعاتییلا ۱۹.۲۳ده ۱۰۰.جو ایل خیطابی اولاجاق.
۱۵ جولای شهیدلر کؤرپوسونده ۲۰۲۳ ایها ایله گؤستری ائدیله‌جک. ایستانبول بوغازی ایشیق و هاوا فیشنگی گؤستریلرینه صحنه اولاجاق.
سولوتورک و تورک اولدوزلارینین اوچوش گؤستریلری، تشکیل ائدیله‌جک بیر چوخ فعالیت و کونسرتلرله قوتلامالارین هیجانی ذیروه‌یه داشیناجاق.