جمهورباشقانی اردوغان جمهوریت بایرامینی قوتلادی
"باشدا جمهوریتمیزین قوروجوسو غازی مصطفی کمال آتاتورک اولماق اوزره، ایستیقلال حربیمیزین قازانیلماسیندا و بو تورپاقلاری بیزه وطن ائتمک اوچون فداکارجا موباریزه ائدن بوتون قهرمانلاریمیزی سایغییلا یاد ائدیریک"
جمهورباشقانی رجب طیب اردوغان، جمهوریتین ۱۰۰.جو ایل دؤنومو سببی ایله قوتلاما مئساژی یاییملادی.
اردوغان، سوسیال مئدیا حسابیندان ائتدیگی پایلاشیمدا،
"جمهوریتیمیزین ۱۰۰.جو ایل دؤنومونه چاتمانین هیجانینی و غرورونو یاشاییریق. اؤلکهمیزده و دونیانین دؤرد بیر طرفینده یاشایان وطنداشلاریمیزین ۲۹ اکتبر جمهوریت بایرامینی جاندان کؤنولدن تبریک ائدیرهم" ایفادهلرینی ایشلتدی.
تورکیه جمهوریتی جمهورباشقانلیغینین سوسیال مئدیا حسابیندان دا ۲۹ اکتبر جمهوریت بایرامی سببی ایله قوتلاما مئساژی پایلاشیلدی.
"باشدا جمهوریتمیزین قوروجوسو غازی مصطفی کمال آتاتورک اولماق اوزره، ایستیقلال حربیمیزین قازانیلماسیندا و بو تورپاقلاری بیزه وطن ائتمک اوچون فداکارجا موباریزه ائدن بوتون قهرمانلاریمیزی سایغییلا یاد ائدیریک" ایفادهلرینین یئر آلدیغی مئساژدا بونلار قید ائدیلدی:
"تام ۱۰۰ ایل اؤنجه آغیر بدللر اؤدیهرک قوردوغوموز تورکیه جمهوریتینی بیرلیک، برابرلیک و قارداشلیق دویغولاری ایچریسینده، معاصر مدنیتلر سویهسینین ده اوستونه چیخارماق اوچون وار گوجوموزله چالیشماغا داوام ائدجییک. اؤلکهمیزده و یورددیشیندا یاشایان بوتون وطنداشلاریمیزین ۲۹ اکتبر جمهوریت بایرامینی تبریک ائدیریک. جمهوریتمیزین ۱۰۰.جو ایلی قوتلو اولسون".
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"