اردوغان: بونو ان یاخشی یهودی توپلومو بیلیر
"بیز تورک میللتی اولاراق، تاریخ بویونجا یئر اوزونده عیرقچیلیق ائتمهمیش و ائتمهیهن تک خالقیق"
جمهورباشقانی رجب طیب اردوغان، ایسرائیله پلانلادیغی سفری لغو ائتدیگینی بیلدیرهرک، حماسین بیر ترور هؤرگوتو دئییل، مجاهید قروپو اولدوغونو سؤیلهدی.
عدالت و قالخینما پارتیسینین باشقانی دا اولان اردوغان، پارتیسینین تورکیه بؤیوک میللت مجلیسی قروپ توپلانتیسینداکی دانیشماسیندا، غزه زولاغینداکی وضعیته گئنیش یئر آییردی.
اردوغان، ایسرائیلین بؤلگهیه قارشی سالدیریلارینا باغلی،
"ایسرائیل دؤولتیله بیر پروبلئمیمیز یوخ، اما ایسرائیلین تطبیق ائتدیگی ظلمو، دؤولت دئییل هؤرگوت کیمی حرکت ائتمه طرزینی اصلا تائید ائتمهدیک، ائتمهیهجییک" ایفادهلرینی ایشلتدی.
ایسرائیل سالدیریلاریندا اؤلنلرین هاراداسا یاریسینین اوشاق اولدوغونو ایفاده ائدن اردوغان، بو تابلو بئله آماجین عمدی اینسانلیق سوچو ایشلهمهیه دایر دهشت اولدوغونو گؤستردیگینی دیله گتیردی.
بوتون باتینین حماسی بیر ترور هؤرگوتو اولاراق گؤردوگونو ایضاح ائدن جمهورباشقانی، ایسرائیله و دونیایا سسلنهرک:
"ای ایسرائیل، سن بیر هؤرگوت اولا بیلرسهن. بو باتینین سنه بورجو چوخ. اما تورکیهنین سنه بورجو یوخ. حماس بیر ترور هؤرگوتو دئییل، تورپاقلارینی و وطنداشلارینی قوروما موباریزهسی وئرهن بیر قورتولوش، مجاهیدلر قروپودور" دئدی.
اردوغان، ایسرائیله گئتمه پروژهسی اولدوغونو اما بونو لغو ائتدیگینی ده بیلدیردی.
"بیز تورک میللتی اولاراق، تاریخ بویونجا یئر اوزونده عیرقچیلیق ائتمهمیش و ائتمهیهن تک خالقیق. بونو ان یاخشی دا یهودی توپلومو بیلیر" دئیهن اردوغان، بو گون اؤلدوردوگو اوشاقلارا و سوچسوزلارا دستک وئرمک اوچون ایسرائیلین آردیندا سیرایا گیرهنلرین هئچ بیرینین، آچیق آچیق بئله بیر سؤزو دیله گتیرهبیلمهیهجگینی سؤیلهدی.
اردوغان،
"بیز اؤلکه و میللت اولاراق حقیقتی هایقیرماغا، بونون اوچون سیاسی، دیپلوماتیک، لازیم اولسا عسگری بوتون یوللاری دؤورهیه سوخماغا داوام ائدجییک" دئیه دانیشدی.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.