هاکان فیدان بیر سیرا دیپلوماتیک گوروشلر کئچیریب

تورکیه-نین خاریجی ایشلر ناظیری هاکان فیدان بیر سیرا اؤلکه‌نین خاریجی ایشلر ناظری ایله تلفون علاقه‌سی ساخلاییب. دیپلوماتیک منبع‌لرین یایدیغی معلوماتا اساساً، هاکان فیدان ایسراییل-فیلیسطین موناقیشه‌سی ایله باغلی بیر سیرا همکاری ایله گؤروشوب. ناظیر هاکان فیدان قطرین خاریجی ایشلر ناظیری شیخ محمد بن عبدالرحمن آل ثانی، سعودی عربیستانی‌نین خاریجی ایشلر ناظیری فیصل بن فرحان، میصرین خاریجی ایشلر ناظیری سمیح شکری، فیلیسطین خاریجی ایشلر ناظیری ریاض المالکی، ایرانین خاریجی ایشلر ناظیری حسین امیرعبداللهیان و امریکانین خاریجی ایشلر ناظیری آنتونی بلینکن ایله  تلفون علاقه‌سی ساخلاییب.

خاریجی ایشلر ناظیری اوکتبرین 8-ده اوردون-ون خاریجی ایشلر ناظیری ایمن الصافدی، ایسپانیانین خاریجی ایشلر ناظیری خوزه مانوئل آلبارس ، بیرلشمیش عرب امیرلیک‌لری‌نین خاریجی ایشلر ناظیری شیخ عبدالله بن زاید آل نهیان و یئنی‌دن امریکانین خاریجی ایشلر ناظیری آنتوی بلینکن ایله تلفون دانیشیغی آپاریب. ناظیر هاکان فیدان اوکتبرین 9-دا بؤیوک بریتانیانین خاریجی ایشلر ناظیری جیمز کلورلی، اوکتبرین 10-دا ایتالیانین خاریجی ایشلر ناظیری آنتونیو تاجانی، اوکتبرین 11-ده آلمانیانین خاریجی ایشلر ناظیری آنالنا بائربوک و اوکتبرین 13-ده بیرلشمیش عرب امیرلیک لرینین خاریجی ایشلر ناظیری شیخ عبدالله بن زاید آل نهیان ایله تلفونلا دانیشیب. بون‌دان علاوه، چین-ین خاریجی ایشلر ناظیری وانگ یی، مالزی-نین خاریجی ایشلر ناظیری زامبری عبدالکادیر و دانیمارکا خاریجی ایشلر ناظیری ارس لوکه راسموسن و بلینکن ایله تلفون دانیشیغی آپاران هاکان فیدان همکارلاری ایله ایسراییل و فیلیسطین-ده‌کی حادثه‌لری موذاکیره ائدیب. هاکان فیدان اوکتبرین 14-ده تلفون دانیشیق‌لاری ایله یاناشی آلمانیانین خاریجی ایشلر ناظیری آنالنا بائربوک و میصرین خاریجی ایشلر ناظری سمیح شکری ایله ده باش باشا گؤروش کئچیریب.