خاریجی ایشلر ناظرلیگی کوزوو-داکی هوجومو پیسله‌ییب
خاریجی ایشلر ناظیرلیگی‌نین سؤزچوسو، سفیر تانژو بیلگیچ کوزوونون شیمالیندا اساساً صرب‌لرین یاشادیغی بانژسکادا بیر پولیس مامورونون اؤلومونه سبب اولان هوجومو پیسله‌ییب.
خاریجی ایشلر ناظیرلیگی‌نین سؤزچوسو، سفیر تانژو بیلگیچ کوزوونون شیمالیندا اساساً صرب‌لرین یاشادیغی بانژسکادا بیر پولیس مامورونون اؤلومونه سبب اولان هوجومو پیسله‌ییب.
سؤزچو تانژو بیلگیچ کوزوونون قوزیی ینده‌کی هوجوملا باغلی سوالا یازی‌لی جاواب وئریب.
تانژو بیلگیچ "بو سحر (24 سپتامبر) کوزوونون شیمالیندا، صرب‌لرین چوخلوق تشکیل ائتدیگی زوئچان بلدیه‌سی‌نین بانژسکا کندینده باش وئرن و کوزوولو پولیس مامورلاریندان بیری‌نین اؤلومونه و بعضی پولیس ایشچی‌لری‌نین یارالانماسینا سبب اولان هوجومو قیناییریق" دئییب.
تورکیه-نین پریشتینا سفیرلیگی‌نین هوجومو پیسله‌ین بیاناتلا چیخیش ائتدیگینی دئین بیلگیچ یارا‌لی‌لارا تئزلیکله شفا دیلدیک‌لرینی بیلدیریب.
تانژو بیلگیچ بؤلگه‌ده گرگینلیگین آرتماسی‌نین قارشی‌سینی آلماق اوچون بوتون طرف‌لرین تمکین‌لی داورانماسی‌نین و زوراکی‌لیق‌دان قاچماسی‌نین واجیب اولدوغونو وورغولاییب.
کوزوودا و بؤلگه‌ده دایمی باریش و ثابیتلیگین تامین ائدیلمه‌سی‌نین یگانه یولونون دیالوق اولدوغونو وورغولایان بیلگیچ، تورکیه-نین دیالوق پروسه سینه دستکینی داوام ائتدیرجگینی قئید ائدیب.
خاطیرلاداق کی، کوزوونون شیمالیندا اساساً صرب‌لرین یاشادیغی بانژسکادا یولو باغلایان سلاح‌لی صرب‌لرین سحر ساعات‌لاریندا پولیسه آتش آچماسی نتیجه‌سینده بیر پولیس مامورو اؤلوب، بیری یارالانیب.
کوزوو باش ناظیری آلبین کورتی اؤلکه‌نین شیمالیندا تخمینن 30 آغیر سلاح‌لی شخصین کوزوو پولیسینه قارشی هوجوم‌لارینی داوام ائتدیردیگینی آچیقلاییب.
ناتو-نون کوزوو باریش قوه‌لری‌نین (کفور) وئردیگی آچیقلامادا " کوزوو باریش قوه‌لری بانژسکا‌داکی وضعیتی یاخین‌دان ایزلمه‌یه داوام ائدیر و کوزوو باریش قوه‌لری بو بؤلگه‌ده، لازیم گلرسه، جاواب وئرمه‌یه حاضیردیر. باش قرارگاه "کوزووداکی قوروم‌لار دا داخیل اولماقلا، بوتون اولوسلار آراسی ماراق‌لی طرف‌لرله سیخ و دایمی تماسدا‌دیر و حل یول‌لاری تاپماق اوچون سیخ ایشلییر" ایفاده‌لری یئر آلیب.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
