اردوغان گوندمی دگرلندیردی
"باتی نه قدر گوونیلیر ایسه روسیا دا ان آز او قدر گوونیلیردیر"
جمهورباشقانی رجب طیب اردوغان،
"بیز هر زامان اؤز اؤزونه یئتن بیر اؤلکه اولدوق. هئچ بیر زامان آوروپا بیرلیگینین قاتقیلارینا یا دا دستگینه محتاج اولمادیق" دئدی.
جمهورباشقانی اردوغان، بیرلشمیش میللتلر ۷۸.جی باش قورولو اوچون گئتدیگی نیویورکدا، آمریکانین پیبیاس کانالینین گوندمه باغلی سواللارینی جاوابلادی.
تورکیهنین (آوروپا بیرلیگی) عضولوگوندن واز گئچمهیه حاضر اولوب اولمادیغینین سوروشولماسی اوزرینه اردوغان تورکیهنین آآوروپا بیرلیگینین قرارلارینا اؤنم وئردیگینی سؤیلهیهرک،
"آوروپا بیرلیگی مثبت بیر قرار وئرسه بونو ممنونیتله قارشیلایاریق. تورکیه سون ۵۰ ایلدیر آوروپا بیرلیگینین قاپیسیندا مشغول ائدیلیر. بیز هر زامان اؤزو اؤزونه یئتن بیر اؤلکه اولدوق. هئچ بیر زامان آوروپا بیرلیگینین قاتقیلارینا یا دا دستگینه محتاج اولمادیق، بونا احتیاجیمیز یوخ" دئیه دانیشدی.
آمریکا بیرلشمیش دؤولتلرینین تورکیهیه اف-۱۶ ساتیشی ایله سوئدین ناتویا عضولوگو قونولارینین بیر بیری ایله باغلانتیلی اولدوغونو دوشونوب دوشونمهدیگینه باغلی اردوغان،
"منه گؤره باغلانتی اولمامالی. باشقان (جو) بایدن، بو مؤوضوعدا قراری کنگرهنین وئرجگینی سؤیلهدی. بیز ده هر زامان دئییریک کی بیزیم ده تورکیه بؤیوک میللت مجلیسیمیز وار. یعنی بو مؤوضوعلارا پارلمان قرار وئرر. پارلمان بو قونودا مثبت بیر قرار وئرمزسه او زامان بو بارهده ائدجک بیر شئی یوخ" دگرلندیرمهسینی وئردی.
روسیا دؤولت باشقانی ولادیمیر پوتینین قارادنیز تاخیل گیریشیمینی نیه تکرار جانلاندیرمادیغینا باغلی سوالا ایسه اردوغان،
"بیز (پوتینین) اؤزونه دئدیم و ۱ میلیون تون (تاخیل) داها گؤندرهجکلرینی سؤیلهدیلر" جاوابینی وئردی.
جمهورباشقانی اردوغان، بوتونون تاخیل صادراتینین تئز زاماندا باشلایاجاغینی سؤیلهدیگینی ایفاده ائدرک، گلیشمهلری ایزلهدیکلرینی دیله گتیردی.
"بو سؤزونو توتاجاغینا دایر اونا (پوتینه) گووهنیرسینیز می؟" سوالینا قارشیلیق ایسه جمهورباشقانی اردوغان، بونلاری قید ائتدی:
"منیم (پوتینه) گووهنمهمهم اوچون هئچ بیر سبب یوخ. باتی نه قدر گوونیلیر ایسه روسیا دا ان آز او قدر گوونیلیردیر. ۵۰ ایلدیر بیزی قاپیسیندا گؤزلهدن آوروپابیرلیگیدیر. بو آندا باتییا نه قدر گووهنیرمسه روسیایا دا او قدر گووهنیرم".
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی