تورکیه لیبیا-یا اینسانی یاردیم گؤندرمه‌یه داوام ائدیر

تورکیه فوق العاده حال‌لار ایداره‌سی‌نین (آفاد) صدری اوکای مئمیش حربی دنیز قوه‌لری قوموتانلیغینا عاید ایکی حربی گمی ایله داشقین‌لارین باش وئردیگی لیبیایا 550 پرسنل و تخمینن 4 مین تون یاردیم ماتئریا‌لی‌نین گؤندریلدیگینی بیلدیریب.

اوکای مئمیش اوچونجو گمی‌نین ده یولا دوشه‌جگینی ایفاده ائتدی.

تورکیه ساغلیق ناظیرلیگی‌نین میللی مدیکال قورتارما دسته‌سی (UMKE) درنه شهرینده‌کی فعالیت‌لرینی داوام ائتدیریر. ساغلیق ناظیرلیگی طبیعی فلاکتین باش وئردیگی بؤلگه‌یه میللی مدیکال قورتارما دسته‌سی، UMKE ATAK  پرسنلی، صحرا خسته‌خاناسی، طبی لوازیمات، جیهاز و داوالار گؤندریب.

سپتامبرین 10-دا مرکزی آغ دنیزینده طغیان ائدن و لیبیا-نین دوغوسوندا حیاتی فلج ائدن "دانیل" فیرتیناسی بنغازی، بیضاء، معراج، شوش و درنه  شهرلرینده داشقین‌لارا سبب اولوب. لیبیا میللی بیرلیک حکومتی داشقین‌لار نتیجه‌سینده 6 مین آدامین اؤلدوگونو، مین‌لرله اینسانین ایتکین دوشدوگونو آچیقلاییب.