کلورلی:"تورکیه بؤیوک بریتانیا اوچون وازکئچیلمز طرفداشدیر"
تورکیه ایله اینگیلتره آراسینداکی باشدا قیبریس پروبلئمی، اوکراینا و سوریه محاربهلری اولماقلا بولگهسل و اولوسلار آراسی مؤوضوع لاری دا موذاکیره ائتدیک.
تورکیه-نین خاریجی ایشلر ناظیری هاکان فیدان عراق، بیرلشمیش عرب امیرلیکلری، تورکیه و قطر آراسیندا تورکیه-عراق اینکیشاف یولو لاییحهسی ایله باغلی سیخ دانیشیقلارین داوام ائتدیگینی بیلدیریب.
پایتاخت آنکارادا ناظیرلیکده کئچیریلن گؤروشدن سونرا اینگیلتره-نین خاریجی ایشلر ناظیری جیمز کلورلی ایله بیرگه مطبوعات کنفرانسیندا چیخیش ائدن هاکان فیدان دئییب: "تورکیه ایله اینگیلتره آراسینداکی علاقهلره دایر هرطرفلی فیکیر موبادیلهسی آپاردیق. باشدا قیبریس پروبلئمی، اوکراینا و سوریه محاربهلری اولماقلا بولگهسل و اولوسلار آراسی مؤوضوع لاری دا موذاکیره ائتدیک.
بیرلشمیش کراللیق قیبریس اوچون ضامن اؤلکه موضعینه مالیکدیر. بیزیم علاقهدار مسئلهلر و آدادا باش وئرن سون حادثهلرله باغلی هرطرفلی قیمتلندیرمهلر آپارماق ایمکانیمیز اولدو.
سوئد-ین ناتو-یا عضولوک سورهجی ایله باغلی دا دانیشدیق. تورکیه 2020-جی ایل مادرید ایجلاسیندا و 2023-جو ایل ناتو-نون ویلنیوس ذیروه توپلانتیسیندا الده ائتدیگی راضیلاشمالارا صادقدیر. چکیلمیش یول خریطهلری، طرفلردن گؤزلهنیلن مسئلهلر و عهده لیکلر آیدیندیر. وضعیت دانیشیقلار چرچیوهسینده ایرلیلییر".
مطبوعات کنفرانسیندا چیخیشیندا اینگیلتره-نین خاریجی ایشلر ناظیری جیمز کلورلی ده اؤز چیخیشیندا بونلاری سؤیلهییب: "تورکیه بؤیوک بریتانیا اوچون وازکئچیلمز طرفداشدیر.
تورکیه-نین قارا دنیز تاخیل تشببوسونو یئنیدن باشلاتما سعیلرینی یوکسک قیمتلندیریریک.
عمومی تهلوکسیزلیگیمیز و اورتاق ریفاهیمیز اوچون تورکیه سون درجه مهم اؤلکهدیر، هم بیزیم، هم آوروپا، هم بولگه، هم بوتون دونیا اوچون."
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"