تورکیه وایسراییل-ین انرژی ناظیرلری آراسیندا تلفون دانیشیغی اولوب

تورکیه-نین انرژی و طبیعی ثروت‌لر ناظیری آلپارسلان بایراکتار ایسراییل-ین انرژی ناظیری ایسراییل کاتز ایله تلفون علاقه‌سی ساخلاییب.

بو باره‌ده تورکیه-‌نین انرژی و طبیعی ثروت لر ناظیری رسمی انترنت صحیفه سینده ائتدیگی پای‌لاشیمدا بیلدیریب.

تلفون دانیشیغی زامانی طبیعی گاز مسئله‌سی باشدا اولماقلا انرژی ساحه‌سینده ایکی طرف‌لی و بولگه‌سل امکداش‌لیق ایمکان‌لارینی قیمتلندیردیک‌لرینی ایفاده ائدن آلپارسلان بایراکتار دئییب: "جناب کاتزین دعوتی چرچیوه‌سینده ایسراییل ایله ان قیسا زاماندا سفر ائتمگی پلان‌لاش‌دیریریق".

ایسراییل-ین انرژی ناظیری ایسراییل کاتز ایسه رسمی انترنت صحیفه سینده ائتدیگی پای‌لاشیمدا تورکیه-نین انرژی ناظیری آلپارسلان بایراکتارلا محصولدار گؤروش کئچیردیکلرینی ایفاده ائدیب.

ایسراییل کاتز دئییب: "بیز انرژی ساحه‌سینده امکداشلیغیمیزین یئنی‌لنمه‌سی ایمکان‌لارینی موذاکیره ائتدیک. باش ناظیر نتانیاهو پرزیدنت اردوغانلا گؤروشمک اوچون (تورکیه-یه) سفر ائتمگی پلانلاشدیردیغی اوچون بولگه‌سل امکداش‌لیق باخیمیندان پرسپکتیو‌لی بیر دؤوردن کئچیریک".