بو گون۳۰ آگوست ظفر بایرامیدیر

بو گون، ۳۰ آگوست ظفرینین ۱۰۱.جی ایل دؤنومودور.
"یا ایستیقلال، یا اؤلوم" دئییله‌رک چیخیلان یول‌دا، یونان اوردوسو بؤیوک بیر مغلوبیته اوغرادیلیب، ۱۰۱ ایل اؤنجه بو گون قازانیلان ظفر، تورک میللتینین طالعینی دییشدیردی.
آنادولونون ایشغال ائدیله‌بیلمه‌یه‌جگی بوتون دونیایا گؤستریلدی و تاریخه دونیانین ان بؤیوک قهر‌مانلیق حماسه‌لریندن بیری اولاراق گئچدی.
تورک خالقی قانلا، اودلا، سونگویله ظفره دوغرو گئتدی. ایکی طرفین ده چوخ آغیر ایتکیلر وئردیگی ساکاریا میدان محاربه‌سی، قورتولوش ساواشینین دؤنوم نقطه‌لریندن بیری ایدی.
قازانیلان بو ظفردن سونرا، دوردورولان دوشمن اوردوسونو تامامیله یورددان آتماق اوچون حاضرلیقلار باشلادی. 
باش قوموتان مصطفی کمال پاشا، ۲۶ آگوست ۱۹۲۲ده بؤیوک تعرضو باشلاتدی.
۲۷ آگوست‌دا آفیون‌قاراحیصار، ۳۰ آگوست‌دا کوتاهیا، ۱ سپتامردا ائمت و دووشانلی دوشمن ایشغالین‌دان قورتاریلدی. ۹ سپتامبردا ایزمیرده یونان اوردوسونو دنیزه تؤکه‌ن تورک اوردوسو، مصطفی کمال پاشانین امرینی بؤیوک بیر باشارییلا یئرینه یئتیردی.
عسگری گوجله قبول ائتدیریلمک ایسته‌نیله‌ن سور آنلاشماسی، محاربه ساحه‌سین‌ده ییرتیلمیش اولدو. لوزان باریش آنلاشماسینین ائدیلمه‌سینی تامین ائتدی. تورکیه، میثاق میللینین (اولوسال سرحدلر) جغرافی هدفلرینه چاتدی.