تورکیه-آمریکا ایلیشکیلری مثبت ایرلیلهییر
گئچمیشی ۲۰۰ ایله یاخینلاشان ایلیشکیلر، ۲۰۲۳ون ایلک یاریسیندا سرعت قازانماغا داوام ائتدی
تورکیه-آمریکا بیرلشمیش دؤولتلری ایلیشکیلری ۲۰۲۳-جو ایلده ده مثبت ایستیقامتده ایرلیلهمهیه داوام ائدیر.
تورک آمریکا ایش شوراسی (تایک) ایله آمریکا شیرکتلر درنگیندن (آمچام تورکیه) وئریلهن اورتاق آچیقلامایا گؤره، تورکیه و آمریکا آراسینداکی تیجارت حجمی سون ۱۲ آیدا ۳۱،۳ میلیارد دلار سویهسینه چاتدی.
آرتان سرمایهلر و تورکیه بازارینا یئنی گیرهن آمریکالی شیرکتلرین فرقلی سئکتورلارا دایر ماراغی ایله گئچمیشی ۲۰۰ ایله یاخینلاشان ایلیشکیلر، ۲۰۲۳ون ایلک یاریسیندا سرعت قازانماغا داوام ائتدی.
آچیقلامادا گؤروشلرینه یئر وئریلهن آمچام تورکیه یؤنهتیم قورولو باشقانی تانکوت تورنااوغلو، تورکیه-آمریکا آراسیندا گئچمیشی اوزون ایللره دایانان گوجلو ایلیشکینین، دونیاداکی ان اؤنملی و کؤکلو استراتژیک ایلیشکیلر آراسیندا یئر آلدیغینی ایفاده ائدرک، تیجارت و سرمایهنین ایکی اؤلکه آراسینداکی استراتژیک ایلیشکیده کیلید اؤزللیکده اؤنم داشیدیغینا دقت چکدی.
تورنااوغلو، آمچام تورکیه اولاراق، تورکیه اقتصادینا ایللیک ۶۰ میلیارد دلار قاتقی تامین ائدن ۱۲۵ آمریکا مرکزلی شیرکتی تمثیل ائتدیکلرینی و آنا هدفلرینین تورکیهنی قلوبال بازارلارا داشییان بیر گوج اولماق اولدوغونو بیلدیردی.
تورنااوغلو، تورکیهده اولان آمریکا شیرکتلرینین تورکیهنی بؤلگهسل بیر مرکز اولاراق قونوملاندیردیغینی ایفاده ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.