"تورکیه قارا دنیز تاخیل دهلیزی سازیشینین داوام ائتدیریلمهسینین طرفداریدیر"
میللی ساوونما ناظیرلیگینین مطبوعات و خالق ایله علاقهلر مشاوری دنیز آلبای زکی آکتورک روسیا طرفیندن دایاندیریلان تاخیل تشببوسو ایله باغلی آچیقلامالار وئریب.
بونو میللی ساوونما ناظیرلیگینین مطبوعات و خالق ایله علاقهلر مشاوری دنیز آلبای زکی آکتورک روسیا طرفیندن دایاندیریلان تاخیل تشببوسو ایله باغلی وئردیگی آچیقلامادا دئییب.
زکی آکتورک جاری ایل عرضینده تخمینن 33 میلیون تون تاخیل و ارزاق محصولونون میندن چوخ گمی ایله احتیاجی اولان اؤلکهلره و قلوبال بازارلارا اوغورلا چاتدیریلدیغینی دئییب.
آکتورک بیان ائدیب کی، جولایین 17-ده روسیا "تاخیل سازیشی"نین مدتینین اوزادیلمایاجاغینی و دایاندیریلاجاغینی آچیقلاییب:
"اومید ائدیریک کی، بو سازیش داوام ائدهجک، چونکی سازیش، قلوبال ارزاق قیمتلرینین ثابیتلشمهسینه بؤیوک تحفه وئریر و بوتون بحرانلارین خوشمراملی و دیالوقلا حل اولونا بیلهجگینی ثبوت ائدیر".
میللی مدافعه منبعلری ده "تاخیل دهلیزینین یئنیدن آچیلماسی اوچون مثبت اتمسفرین اولوب-اولماماسی” سوالینا "بیز بو موقاویلهنین حاضیرکی ایستاتوسو ایله دؤردلو (تورکیه-بیرلشمیش میللتلر-اوکراینا-روسیا) شکیلده داوام ائتدیریلمهسینین طرفداریییق. بونونلا باغلی تشببوسلریمیزی و سعیلریمیزی داوام ائتدیریریک. تشببوسلر داوام ائتدیکجه، ایستانبولداکی بیرگه کووردیناسیون مرکزینین کیفایت قدر کادرلارلا فعالیت گؤسترمهسینی تامین ائدجییک" جاوابینی وئریب.
منبعلر ایستانبولداکی بیرگه کووردیناسیون مرکزیندهکی روسیادان اولان پرسنلین وضعیتی ایله باغلی سوالا “روسیا پرسنلی مرکزدن چیخیب" دئیه بیلدیریب.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"