اردوغان:"ناتو ذیروه‌سی کریتیک قرارلارین قبولوندا مهم رول اوینادی"

جمهور باشقانی رجب طیب اردوغان لیتوانیانین پایتاختی ویلنیوس-دا کئچیریلن ناتو دؤولت و حکومت باشچی‌لاری ذیروه توپلانتی‌سی‌نین کریتیک قرارلارین قبولوندا مهم رول اوینادیغینی بیلدیریب.

جمهور باشقانی رجب طیب اردوغان سوسیال مئدیا حسابیندا ناتو ذیروه‌سی ایله باغلی قیمتلندیرمه ائده‌رک یازیب: "اوغورلا باشا ووردوغوموز ویلنیوس ذیروه توپلانتی‌سی ترورلا موباریزه، تورکیه-‌نین آوروپا بیرلیگینه عضولوک سوره جی و تورکیه-‌یه قارشی تحریم لرین آرا‌دان قالدیریلماسی، ائله‌جه ده ناتو-نون چکیندیرمه گوجونون آرتیریلماسی ایستیقامتینده یئنی باشلانغیج‌لارین و کریتیک قرارلارین قبول ائدیلمه‌سینده مهم رول اوینادی. اومید ائدیرم کی، آتاجاغیمیز آددیم‌لارلا بو قازانج‌لاری داها دا محکملندیرجییک. اؤلکه‌میزین ماراق‌لارینی، میللتیمیزین حقوق‌لارینی و قانون‌لاری هر پلاتفورمادا چوخ گوجلو شکیلده مدافعه‌یه داوام ائدجییک".