حافظه گایه ارکان تورکیه-نین مرکزی بانکی‌نین صدری تعیین اولوندو

حفیظه غایه ارکان تورکیه-نین مرکزی بانکی‌نین صدری تعیین اولونوب.

بو باره‌ده جمهور باشقانی رجب طیب اردوغان مووافیق فرمان ایمضالاییب.

قئید ائدک کی، 1982-جی ایلده آنادان اولان حفیظه غایه ارکان 2001-جی ایلده بوغازایچی اونیورسیته سینی بیرینجی‌لیکله بیتیریب، داها سونرا تحصیلینی امریکانین پرینستون اونیورسیته سینده داوام ائتدیریب.

پرینستون‌دان عملیات تدقیقات‌لاری و مالیه مهندیس‌لیگی اوزره دوکتورا اوخویوب. ارکان 2 ایل داوام ائدن و 12 کورس‌دان عبارت اولان دوکتورا پروقرامینی بیر ایلده باشا ووروب و پرینستون اونیورسیته‌سی‌نین 276 ایللیک تاریخینده پروقرامی بیر ایلده بیتیرن ایلک طلبه اولوب. او، همچنین امریکا-دا "ان گنج مالیه پروفسورو" آدینی قازانیب. پرینستون اونیورسیته‌سی داها سونرا دوکتورا درجه‌سی اوچون طلب اولونان مینیموم تحصیل مدتینی بیر ایله دییشیب. داها سونرا هاروارد بیزنس مکتبینده ایداره ائتمه علم‌لری و استنفورد اونیورسیته سینده لیدرلیک اوزره داها ایکی تعلیم پروقرامینی بیتیریب.

خاطیرلاداق کی، حفیظه غایه ارکان تورکیه-‌نین مرکزی بانکی‌نین ایلک قادین صدری اولوب.