تورکیه، آلمانیادا ژورنالیستلرین گؤزآلتینا آلینماسینی قینادی
"فئتؤنون آلمانیاداکی فعالیتلری حاقین‌داکی خبرلری سببیله بیر فئتؤ منسوبونون اساس‌سیز خبری ایله هدف آلینان ژورنالیستلرین درحال سربست بوراخیلمالارینی گؤزله‌ییریک"
تورکیه، صاباح قزئتینین فرانکفورت دفتری نماینده‌لرینین آلمان پلیسی طرفین‌دن سبب گؤستریلمه‌دن گؤزآلتینا آلینماسینی شدتله قینادی.
خاریجی ایشلر باخانلیغی طرفین‌دن وئریله‌ن آچیقلامادا، صاباح قزئتینین فرانکفورت دفتری نماینده‌لرینین آلمان پلیسی طرفین‌دن سبب گؤستریلمه‌دن گؤزآلتینا آلینمالارینین تورک مطبوعاتینا قارشی بیر ساتاشما و قورخوتما حرکتی اولدوغو ایفاده ائدیله‌رک،
"بو منفور حرکتی شدتله قیناییریق" ایفاده‌سی ایشله‌دیلدی.
آچیقلامادا بونلار قید ائدیلدی:
"فئتؤنون آلمانیاداکی فعالیتلری حاقین‌داکی خبرلری سببیله بیر فئتؤ منسوبونون اساس‌سیز خبری ایله هدف آلینان ژورنالیستلرین درحال سربست بوراخیلمالارینی گؤزله‌ییریک. باشارییلا گئرچکلشدیریلن جمهورباشقانی سئچیملرینین ایلک تورو و ۲۸.جی دؤنم میللت وکیلی عمومی سئچیملرینین درحال آردین‌دان، آلمان مقاملارینین سؤز قونوسو مطبوعات منسوبلارینی، ایفاده وئرمه‌یه بئله چاغیرمادان دوغرودان گؤزآلتینا آلمالارینی قصدلی بیر حرکت اولاراق گؤروروک".
مطبوعات و ایفاده آزادلیغی قونوسون‌دا "بوتون دونیایا درس وئرمه‌یه قالخان" آلمانیانین آزاد مطبوعاتا ایستیقامت‌لی بو حرکتینین ایکیلی استانداردلی یاناشماسینی اورتایا قویدوغو وورغولانان آچیقلامادا، بو قونویا باغلی اولاراق آلمانیادا لازیم اولان گیریشیملرین ائدیلدیگی، گوجلو تپکینین بو گون باخانلیغا چاغیریلان آلمانیانین آنکارا ائلچیسینه ده چاتدیریلدیغی ایفاده ائدیلدی.
