سئچکی نتیجه‌لرینه گؤره پارتیا‌لارین میللت وکیلی سایی

غیری-رسمی نتیجه‌لره گؤره، 14 می سئچکی‌لرینده تورکیه بؤیوک میللت مجلیسینده چوخلوق جمهور اتفاقی‌نین اولدو.

سئچیجی‌لرین 49،35 فایزی جمهور اتفاقینا سس وئردی.

بئله کی، جمهور اتفاقی تورکیه بؤیوک میللت مجلیسینده 322 یئر قازانیب.

یئنی دؤورده تورکیه بؤیوک میللت مجلیسینده عدالت و اینکیشاف پارتیاسی (آک پارتی) 266، میللیتچی حرکات پارتیاسی (MHP) 51، یئنی‌دن رفاه پارتیاسی 5 میللت وکیلی ایله یئر آلا‌جاق.

35،18 فایز سس توپلایان میللت اتفاقی‌نین مجلیسده‌کی یئری 212 اولوب.

تورکیه بؤیوک میللت مجلیسینده جمهوریت خالق پارتیاسی (CHP) 168، ایگی پارتیا ایسه 44 میللت وکیلی ایله یئر آلا‌جاق.

سئچکییه جمهوریت خالق پارتیاسی سیاهیلاریندان‌ داخیل اولان سعادت پارتیاسی 10، دئوا پارتیاسی 13، گله‌جک پارتیاسی 10، دموکرات پارتیاسی ایسه 3 یئر قازانیب.

یاشیل سول پارتیاسی (YSP) 62، تورکیه ایشچی پارتیاسی (TİP) 4 میللت وکیلینی تورکیه بؤیوک میللت مجلیسینه ا گؤندره‌جک.