اردوغان، زلزله‌ده یاشامینی ایتیرنلرین ساییسینی آچیقلادی
"زلزله‌نین ایلک گونلرینده‌کی آغیر قیش شرطلری، زیان گؤره‌ن آلت یاپی و ۵۰۰ کیلومتره چاتان ییخیم ساحه‌سینین بؤیوکلوگو ایشیمیزی چوخ چتینلشدیرمیش اولسا دا یا بیر یول تاپاراق یا دا بیر یول آچاراق اینسانلاریمیزین یاردیمینا گئتدیک"
۶ فوریه‌ده میدانا گلن و ۱۱ بؤلگه‌نی ووران قهرمان ماراش مرکزلی زلزلهلرده جان ایتکیسی ۴۷ مینی آشدی.
جمهورباشقانی رجب طیب اردوغان، باشکند آنکارادا جمهورباشقانلیغی سئچیم تاریخینی ۱۴ می اولاراق اعلان ائتدیگی توپلانتیدا زلزله فلاکتینه توخوندو.
عصرین فلاکتی اولاراق آدلاندیریلان زلزله‌لرین اۆرکلری یاخان جان و مال ایتکینلرینه یول آچدیغینی وورغولایان اردوغان،
"زلزله‌نین ایلک گونلرینده‌کی آغیر قیش شرطلری، زیان گؤره‌ن آلت یاپی و ۵۰۰ کیلومتره چاتان ییخیم ساحه‌سینین بؤیوکلوگو ایشیمیزی چوخ چتینلشدیرمیش اولسا دا یا بیر یول تاپاراق یا دا بیر یول آچاراق اینسانلاریمیزین یاردیمینا گئتدیک" دئدی.
اردوغان، "بو ۱۱ ائلیمیزده یاشایان ۱۴ میلیون وطنداشیمیزا دوغرودان تأثیر ائد‌ن گئنیش بیر بؤلگه‌ده حس ائدیله‌ن زلزلهلرده ۴۷ مینین اۆزرینده اینسانیمیز وفات ائدرکن، ۱۱۵ میندن چوخ اینسانیمیز دا یارالی اولاراق قورتاریلدی" ایفاده‌لرینی ایشلتدی.
زلزله بؤلگه‌لرینده قالیجی ائولرین تیکیمینه هر گون یئنی تمللر آتاراق داوام ائتدیکلرینی وورغولایان جمهورباشقانی،
"آماجیمیز ایلک مرحله‌ده بیر ایل ایچینده ۳۱۹ مین ائوی تاماملایاراق تئزلیکله حاق صاحبلرینه تحویل وئرمکدیر. اساس هدفیمیز ایسه توپلامدا ۸۰۰ میندن چوخ ائوی ایچینه آلان ییخیق، ییخیلاجاق، آغیر زیانلی، اورتا زیانلی ۲۷۰ مین بینانی اورتادان قالدیراراق زلزله‌ده زیان گؤره‌ن شهرلریمیزی صیفیردان قورماقدیر" شکلینده دانیشدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
