اردوغان سئچیم تاریخینی آچیقلادی

جمهورباشقانی رجب طیب اردوغان، جمهورباشقانلیغی سئچیمی و ۲۸.جی دؤنم میللت وکیلی عمومی سئچیمینین ۱۴ می‌‌ده ائدیله‌جگینی بیلدیردی.

جمهورباشقانی اردوغان، باشکند آنکارادا جمهورباشقانلیغی ساراییندا سئچیم قرارینی ایمضالادیقدان سونرا آچیقلاملار وئردی.

اردوغان، آنایاسانین ۱۱۶.جی ماده‌سینین وئردیگی صلاحیت ایله ۱۸ ژوئن ۲۰۲۳ تاریخینده ائدیلمه‌سی لازیم اولان جمهورباشقانلیغی و میللت وکیلی سئچیملرینین ۱۴ می‌‌ده یئنیلنمه‌سی قرارینی ایمضالادیغینی ایفاده ائتدی.

اردوغان، سئچیملرین تاریخینین ۱۴ می‌ اولاراق گۆنجللنمه‌سی قرارینی یئنی ایل باشیندان سونرا پایلاشدیغینی خاطیرلاتدی.

جمهورباشقانی، سئچیم تاریخینی تخمیناً بیر آی اؤنه چکمه قرارینی آلماغا یؤنه‌لدن سببلرین بعضیلرینی بو شکیلده سیرالادی:

"هر شئی‌دن اؤنجه ۱۸ ژوئن میلیونلارجا گنجیمیزین گله‌جگینی ماراقلاندیران اونیوئرسیته سیناو تقویمی ایله اوست اوسته دۆشه‌ن بیر تاریخ ایدی. یئنه بو تاریخ یورد ایچینده و یورد دیشیندان یوز مینلرجه وطنداشیمیزین حج فریضه‌سینی ایفا ائتمک اوزره قوتسال تورپاقلارا گئتدیگی بیر دؤنمه راست گلیردی. ایلک و اورتا درجه‌لی اوخوللارین سئچیم تاریخیندن اؤنجه تعطیله گیرمه‌سی سببی ایله هر ایل اولدوغو کیمی بو ایل ده میلیونلارجا وطنداشیمیز مملکتینه و یا تعطیل بؤلگه‌لرینه گئتمک اوزره یولا چیخاجاق ایدی. بونلارین باشینی چکدیگی سببلرله ۱۸ ژوئنین میللتیمیزین ایراده‌سینی صاندیغا عکس ائتدیرمه‌سینی تامین ائتمکده یاخشی بیر تاریخ اولمادیغینی دگرلندیردیک".