زلزله‌ده یاشامینی ایتیرنلرین ساییسی ۳ مینی گئچدی

قهرمان ماراشین پازارجیق ائلچه‌سینده ۷،۷، البیستان ائلچه‌سینده ایسه ۷،۶ بؤیوکلوگونده‌کی زلز‌له‌لرده حیاتینی ایتیره‌نلرین ساییسی ۳ مین ۳۸۱ نفره یوکسلدی.

آفت و عاجیل دوروم یؤنه‌‌تیمی باشقانلیغی (آفاد) باشقانی یونوس سئزر، قهرمان ماراش‌دا باش وئره‌ن زلز‌له‌لرده ۳ مین ۳۸۱ نفرین حیاتینی ایتیردیگینی، ۲۰ مین ۴۲۶ نفرین ایسه یارالاندیغینی آچیقلادی.

آفاددان وئریله‌ن آچیقلامادا، قهرمان ماراشین پازارجیق ائلچه‌سینده دۆنن تورکیه واختی ایله ساعات ۰۴:۱۷ده باش وئره‌ن زلز‌له‌نین داها اؤنجه ۷،۴ اولاراق بیلدیریله‌ن بؤیوکلوگو ۷،۷ اولاراق دییشدیریلدی.

۱۰دان چوخ شهرده حس اولونان زلزله‌دن سونرا اولوسلارآراسی یاردیمین دا داخیل اولدوغو ۴-جو سویه‌ دورومونا گئچیلدی.

اوچان بینالارین اولدوغو بؤلگه‌لرده آختارما قورتارما ایشلری داوام ائدیر.

قهرمان ماراشین البیستان ائلچه‌سینده ده دۆنن تورکیه واختی ایله ساعات ۱۳:۲۴ده ۷،۶ بؤیوکلوگونده بیر زلزله داها باش وئرمیشدی.