تورکیه رسمی‌لری استکهلم-دا تؤره‌دیلن ترور آکتینا سرت رئاکسیا گؤستردی
جمهور باشقانی یاردیمجیسی فوات اوکتای ترور تشکیلاتی پ.کا.کا/ی.پ.گ-نین سوئد-ین پایتاختی استکهلم-دا تؤرتدیگی تخریبات‌لارلا باغلی آچیقلاما وئریب.
جمهور باشقانی یاردیمجیسی فوات اوکتای ترور تشکیلاتی پ.کا.کا/ی.پ.گ-نین سوئد-ین پایتاختی استکهلم-دا تؤرتدیگی تخریبات‌لارلا باغلی آچیقلاما وئریب.
فوات اوکتای "بیز گؤزلییریک کی، سوئد ناتو عضو‌لوگونون بیر حیسه‌سی کیمی وئردیگی وعدلره عمل ائتسین و بو جور جهدلره ایجازه وئرمه‌سین" دئییب.
فوات اوکتای سوسیال مئدیا حسابیندان وئردیگی آچیقلامادا استکهلم-دا تاریخی بلدیه بیناسی قارشی‌سیندا توپ‌لاشان ترور تشکیلاتی ی.پ.گ/پ.کا.کا طرفدارلاری‌نین پرزیدنت رجب طیب اردوغانا اوخشادیلان کوکلا آسماسینا رئاکسیا وئریب.
سوئد-ده ترور تشکیلاتی عضو‌لری‌نین تورکیه و جمهور باشقانی اردوغانی هدف آلان نوماییشینی قینادیق‌لارینی بیلد‌یرن اوکتای دئییب:
"بیز سوئد-ین ناتو-یا عضولوک تشببوس‌لری چرچیوه‌سینده وئردیگی وعدلره عمل ائتمه‌لرینی و بو جور جهدلره ایجازه وئرمه‌مه‌سینی گؤزلییریک. بو حادثه‌لر تورکیه-نین حاق‌لی ناراحات‌لیغینی دونیا خالق لارینا بیر داها گؤستردی. هئچ بیر دموکراتیک حقوقی دؤولتین بو جور غیری-قانونی نوماییش‌لره گؤز یومماسینی گؤزلمک اولماز. بیز اونلاردان بو قبول ائدیلمز حرکت‌لری تؤره‌دن ترورچو قروپ‌لار و اونلارین طرفدارلاری حاقیندا درحال قانونی آددیم‌لار آتما‌لارینی گؤزلییریک".
تورکیه بؤیوک میللت مجلیسی‌نین صدری مصطفی شنتوپ دا سوئد-ده‌کی تخریبات‌دان دانیشیب:
"دموکراسی اوچون آچیق تهدید اولان بو منفور ترور آکتینا سوئد-ین ایجازه وئرمه‌سی و بونا گؤز یومماسی قبول ائدیلمزدیر".
شنتوپ قالماقالا رئاکسیا وئرمک اوچون سوئد پارلامئنتی‌نین صدری آندراس نورلئنین ژانویه‌نین 17-ده تورکیه-یه ائتمه‌سی پلان‌لاش‌دیریلان رسمی سفرینی ده لغو ائدیب.
تخریباتلا علاقه‌دار عدالت ناظیری بکر بوزداغ ایسه دئییب کی، بو، تورک میللتینه قارشی هوجوم‌دور. سوئد حکومتینی بو ترور آکتینا ایجازه وئردیگینه گؤره قیناییرام".
ایچ ایشلر ناظیری سلیمان سویلو ایسه قالماقاللا باغلی سوسیال مئدیا حسابیندان ائتدیگی پای‌لاشیمدا "ترور تشکیلات‌لاری زهرلی ایلان کیمی‌دیر، الینی چووالین ایچینه گیرن آدامی سانجیرلار. دونیا‌داکی ترور تشکیلات‌لارینا دیز چؤکدورجییک دئینده بونو نظرده توتوردوق. اونلار اؤیرشه‌جک‌لر. رجب طیب اردوغان دونیا گئرچیی‌دیر" دئییب.
جمهور باشقانیلیغی سؤزچوسو ابراهیم کالین دا "استکهلم-دا جمهور باشقانیمیزا قارشی تؤره‌دیلن ایرنج و منفور حرکتی ان سرت شکیلده قیناییریق"، - دئیه پای‌لاشیم ائدیب.
جمهور باشقانلیغی ایله تیشیم ایداره‌سی‌نین رهبری فخرالدین آلتون دا "سوئد-ده تورکیه-نی و دموکراتیک یوللا سئچیلمیش پرزیدنتی هدف آلان پ.کا.کا ترور تشکیلاتی عضو‌لرینی ان سرت شکیلده قیناییریق" ایفاده‌سینی ایشلدیب.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
