اردوغان: قیزیلآلما بیر آی ایچینده اوچماغا باشلایابیلر
"راحت اوتورماسانیز، آمریکادان آدالارا، اوردان بوردان بیر شئی آلماغا چالیشارسانیز، تۆرکیه کیمی بیر اؤلکه یقین کی بوش دورمایاجاق، نهسه ائتمهلیدیر. بو گنجلر بوش یئره یئتیشمیر"
جمهورباشقانی رجب طیب اردوغان، تۆرکیهنین ایلک اینسانسیز ساواش اوچاغی بایراقدار قیزیلآلمانین بیر آی ایچینده اوچماغا باشلایابیلهجگینی بیلدیردی.
جمهورباشقانی اردوغان سامسوندا گنجلرله بیر آرایا گلدی.
اؤلکهنین هر بیری آیری غرور قایناغی اولان پروژهلرینده ایشتیراک ائدن گنجلرله بیر یئرده اولدوقلارینی ایفاده ائدن اردوغان:
"گنجلریمیز اؤلکهمیزین تۆرکیه یۆزایلی حاضیرلیغینین ان اؤنملی گوجودور" دئدی.
تۆرکیهنین میللی ساوونما صنایعینده آرتیق بیر چوخ شئیی آشدیغینی ایفاده ائدن اردوغان:
"(۲۰۰۲ده) وظیفهیه باشلایاندا ساوونما صنایعی یۆزده ۲۰ یئرلی ایدی، ایندی یۆزده ۸۰ یئرلیدیر. آرتیق بیز، بیزه یئتیریک. ایندی اف-۱۶ ساواش اوچاقلارینین مهماتینی بیز اۆرهتیریک. آرتیق موشکلریمیزی اۆرهتمهیه باشلادیق" دئدی.
تۆرکیهنین موشک اۆرهتیمینین یونانیستانی قورخوتدوغونو وورغولایان اردوغان:
"تایفون (موشکی) دئییرسن، یونان قورخور، 'آتنی وورور' دئییر. ووراجاق طبیعی. راحت اوتورماسانیز، آمریکادان آدالارا، اوردان بوردان بیر شئی آلماغا چالیشارسانیز، تۆرکیه کیمی بیر اؤلکه یقین کی بوش دورمایاجاق، نهسه ائتمهلیدیر. بو گنجلر بوش یئره یئتیشمیر" ایفادهسینی ایشلتدی.
آمریکانین سوریهنین قوزئیینده بؤلوجو ترور هؤرگوتو پکاکا/یپگیه سلاح و مهمات گؤندرمهسینه تپکی وئرهن اردوغان:
"بونو اونلارا دفعهلرله دئسهم ده، اونلارین وئجینه دئییل. دئدیم 'بیز ناتودا سیزینلهییک، بونا باخمایاراق، بیزه قارشی بو یانلیشی ائدیرسینیز و ترور هرگوتونون یانیندا یئر آلیرسینیز'. ائله ایسه اؤز ایشیمیزی اؤزوموز گؤرهجهییک باشقا چاره یوخ" دئدیم.
جمهورباشقانی اردوغان، تۆرکیهنین ایلک اینسانسیز ساواش اوچاغی بایراقدار قیزیلآلما ایله باغلی سون وضعیتین سوروشولماسی ایله،
"بیر آی ایچیریسینده "قیزیلآلما"نی اوچورتما دورومو اولابیلر. چوخ دا مؤحتشم بیر اثر اولاجاق" جاوابینی وئردی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی