تورک هاوا یوللارینا بیر اؤدول داها
"گۆلر اۆزوموز و قوناق سئورلیگیمیزله یولچولاریمیزا گؤزلنتیلریندن آرتیق خیدمتلر سونوروق"
تورک هاوا یوللاری، هاواچیلیق سایتی "TheDesignAir" طرفیندن "۲۰۲۲ ایلی آوروپانین ان یاخشی دیزاینا صاحیب هاوا یولو" سئچیلدی.
تورک هاوا یوللاری مطبوعات مشاویرلیگیندن وئریلهن معلوماتا گؤره، تورک هاوا یوللاری،ایستانبول هاوالیمانیندا یولچو تماس نؤقطهلری اولان "لانژ"، "چک-این آدالاری"، بلیت خیدمتلری اوفیسلری ایله کابین ایچی تاساریملاری اولان یئنی "بیزنس" و "اکونوم ی کلاس" کابین دیزاینی و اوچاق ایجی اۆرونلری ایله "آوروپانین ان یاخشی دیزاینا صاحیب هاوا یولو شیرکتی" اؤدولونه لایق گؤرولدو.
آچیقلامادا، گؤروشلرینه یئر وئریلن تورک هاوا یوللاری بازارلاما و ساتیشدان سوروملو باش مودور یاردیمچیسی احمد اولموشدور،
"ایستانبول هاوا لیمانینین گیریشدن اعتیاراً، چک-این کنترللاری و اؤزل یولچو سالونلارینا، اوچاق ایچینده ایسه یئنی کابین و اوتوراجاق دیزاینلارینا قدر هر نؤقطهده تورک هاوا یوللاری کیملیگیمیزی حساسیتله اورتایا قویوروق. گۆلر اۆزوموز و قوناق سئورلیگیمیزله یولچولاریمیزا گؤزلنتیلریندن آرتیق خیدمتلر سونوروق" ایفادهلرینی ایشلتدی.
تورک هاوا یوللاری تورک قوناق سئورلیگینین صمیمیتینی مدرن چیزگیلره داشییان "فلاو (آخیش)" فلسفهسینی ایستانبول هاوا لیمانیندا بوتون یولچو تماس نؤقطهلریندن اوچاق ایچی دیزاینا قدر بوتون ساحهلرده حیاتا کئچیرمیش و بنزرسیز دیزاینلار یاراتمیشدیر.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"