اردوغان: شهیدلریمیزین قانی یئرده قالمایاجاق
"ایندی چوخ چتین قیش شرایطینده هم پنجه-کیلید ایله زاپ‌دا، هم ده سوریه‌نین قوزئیینده اؤنملی بیر موباریزه آپاریلیر"
جمهورباشقانی رجب طیب اردوغان،
"چتین قیش شرایطینده هم پنجه-کیلید ایله (عراقین قوزئیینده‌کی) زاپ‌دا، هم ده سوریه‌نین قوزئیینده اؤنملی بیر موباریزه آپاریلیر. بو موباریزه‌نین نتیجه‌سی خیرلی اولاجاق" ایفاده‌لرینی ایشلتدی.
میللی ساوونما باخانی حولوصی آکار، باش قرارگاه رئیسی ژنرال یاشار گولر و دیگر قوموتانلار ایله پنجه-کیلید عملیاتینا قاتیلان بیرلیک قوموتانلاری ایله ویدئو کنفرانس توپلانتیسی گئرچکلشدیردی.
اردوغان دا توپلانتییا تلفونلا قاتیلاراق میدانداکی بیرلیکلرین قوموتانلارینا سسلندی.
جمهورباشقانی توپلانتیدا بئله دئدی:
"البته، اوردا جانیمیز یانیر، اما سیز بونون حسابینی چوخ جدی شکیلده سوروشورسونوز، شهیدلریمیزین قانی یئرده قالمادی، قالمیر و اینانیرام کی بوندان سونرا دا قالمایاجاق. شهیدلیک یولو چوخ مقدس، قوتلو بیر یولدور. بو قوتلو یولدا دا عسگریمیزین ایندییه قدر وئردیگی موجادیله هر کسین اؤزللیکله ده سیز قوموتانلارا معلومدور. ایندی چوخ چتین قیش شرایطینده هم پنجه-کیلید ایله (عراقین قوزئیینده‌کی) زاپ‌دا، هم ده سوریه‌نین قوزئیینده اؤنملی بیر موباریزه آپاریلیر. بو موباریزه‌نین نتیجه‌سی خیرلی اولاجاق".
