جمهور باشقانی اردوغانین ترورچولاری دستکله‌ین‌لره خبردارلیغی
جمهور باشقانی رجب طیب اردوغان آرتوین ویلایتینده "یوسف ائلی" سو آنباری‌نین آچیلیش مراسیمینده چیخیش ائدیب.
"بیر نئچه گون‌دور کی، اوچاق لاریمیز، توپ لاریمیز و پیلوت‌سوز اوچوش آپارات‌لاریمیزلا (سیها) ترورچولارین تپه سیندییک. اومید ائدیرم کی، یاخین زاماندا هامیسی‌نین کؤکونو که‌سه‌جییک".
بونو جمهور باشقانی رجب طیب اردوغان آرتوین ویلایتینده "یوسف ائلی" سو آنباری‌نین آچیلیش مراسیمینده ائتدیگی چیخیشدا دئییب.
اؤتن هفته ایستانبولدا تؤره‌دیلن ترور آکتینی کیشی کیمی اورتایا چیخماغا جسارتی اولمایان‌لارین آلچاق هوجومو کیمی گؤردوکلرینی ایفاده ائدن جمهور باشقانی اردوغان دئییب کی، آرا‌لاریندا اوشاق‌لارین دا اولدوغو 6 گوناه‌سیز اینسانین حیاتینا سون قویان بو آلچاق هوجوما عراق و سوریه-نین قوزیی ینده بولوجو ترور تشکیلاتی پ.کا.کا/ی.پ.گ-نین هدف‌لرینی دارماداغین ائده‌رک جاواب وئردیک.
اؤزونو ان تهلوکه‌سیز حیس ائتدیگی یئرده باشینا یاغان بومبا‌لاری هضم ائده بیلمه‌ین ترور تشکیلاتی بو دفعه تورکیه-نین سرحد بؤلگه‌لرینده‌کی سیویل آلت یاپی لاری و اینسان‌لاری هدف آلدی.
4 یاش‌لی اوشاغیمیز و 22 یاش‌لی معلمیمیز شهید اولدو (پ.کا.کا/ی.پ.گ هوجوموندا). اومید ائدیرم کی، بو قارداشلاریمیزین تؤکولن قانی بوشا گئتمه‌یه‌جک.
جمهور باشقانی اردوغان بیلدیریب کی، ترورچولارین کیم‌لیگی، اونلاری کیم‌لرین حمایه ائتدیگی و جسارتلندیردیگی تورکیه-یه معلوم‌دور: "صبریمیز جسارت سیزلیگیمیز کیمی قیمتلندیریلمه‌مه‌لی‌دیر. بیز حقوقی دؤولت اولاراق دیپلماسی‌نین طرفداریییق".
