گوترش: ایستانبول دیپلوماتیک باشارینین مرکزیدیر
بیرلشمیش میللتلر تشکیلاتینین باش کاتیبی، جمهورباشقانی رجب طیب اردوغان و تورکیهیه تشکر ائتدی
1907676
بیرلشمیش میللتلر تشکیلاتینین باش کاتیبی آنتونیو گوترش، روسیا ایله اوکراینا آراسیندا تاخیل آنلاشماسینین اوزادیلماسیندان سونرا جمهورباشقانی رجب طیب اردوغان و تورکیهیه تشکر ائتدی.
"اونلارین سخاوتی و عزمی اولماسایدی، بو گیریشیم هئچ واخت گئرچکلشمزدی" ایفادهسینی ایشلتدی.
گوترش، تورکیه و بیرلشمیش میللتلرین آراچیلیغی ایله روسیا ایله اوکراینا آراسیندا ایمضالانان تاخیل آنلاشماسینین ۱۲۰ گون مدتینه اوزادیلماسینین آردینجا توییتر حسابیندان وئردیگی آچیقلامادا آنلاشمانین یئنیلنمهسیندن ممنونلوغونو ایفاده ائتدی.
جمهورباشقانی اردوغانا و تورکیهیه تشکر ائدن گوترش،
"اونلارین سخاوتی و عزمی اولماسایدی، بو گیریشیم هئچ واخت گئرچکلشمزدی. ایستانبول، اولاغان اۆستو بیر دیپلوماتیک باشارینین مرکزی اولماغا داوام ائدیر" دئیه بیلدیردی.