اردوغان: اؤلکهنین گلهجک عصرینی پلانلاییریق
"هر زامان دئدیگیمیز کیمی، تورکیه هئچ واخت گؤرونهن سرحدلریندن عبارت بیر اؤلکه دئییل"
جمهورباشقانی رجب طیب اردوغان، تورکیه جمهوریتینین ۱۰۰.جو یاشینی (۲۹ اکتبر) معمولی ایل دؤنومو قوتلاماسینین چوخ اؤتهسینه گئچن "تورکیه عصری" آتیلیمی ایله قارشیلاماغا حاضیرلاشدیقلارینی سؤیلهدی.
جمهورباشقانی اردوغان، چاناققالا آیواجیق-کوچوکقویو یولو ایله آسوس و ترویا تونللرینین آچیلیشینی ائتدی.
آچیلیش مراسیمینه جمهورباشقانلیغی مجتمعیندن ویدئو کونفرانس یولو ایله قوشولاراق دانیشان اردوغان:
"آچاجاغیمیز آیواجیق-کوچوکقویو یولو ایله داها اؤنجه ۵۰ دقیقه اولان یولچولوغون ۵ دقیقهیه ائنمهسی ایله هم زاماندان، هم یاناجاقدان، هم ده امیسیوندان الده ائتدیگیمیز قازانج ایلده ۱۳۳ میلیون لیرایا قارشیلیق گلیر" دئدی.
اوستا بیر شطرنج اویونچوسو دقتی ایله اؤلکهنین گلهجک عصرینی پلانلادیقلارینی وورغولایان اردوغان:
"جومهوریتیمیزین ۱۰۰.جو یاشینی معمولی ایل دؤنومو قوتلاماسینین چوخ اؤتهسینه گئچن "تورکیه عصری" آتیلیمی ایله قارشیلاماغا حاضیرلاشیریق. داها اؤنجه میللتیمیزی نئجه ۲۰۲۳ هدفلریمیزین اوفوقو ایله بیر بولوشدوردوقسا، انشاالله ایندی ده "تورکیه یۆزایلی" پروگرامیمیزلا ۲۰۵۳ ویزیونوموزون اینشاسینا باشلاییریق" شکلینده دانیشدی.
جمهورباشقانی،
"هر زامان دئدیگیمیز کیمی، تورکیه هئچ واخت گؤرونهن سرحدلریندن عبارت بیر اؤلکه دئییل. بیزیم کؤنول سرحدلریمیز اجدادیمیزین اوچ قاره، یئددی ایقلیم تعریفی ایله ایفاده ائتدیگی گئنیشلیکدهدیر" دئدی.